1 TIMƆTI 2

Donyĩkɛnaa

1Káaku gĩa ma lɛ́ dàmma, à adua kɛ gbɛ̃ sĩnda pínkinɛ à zɛ́ gbɛkańnɛ, à kútɛ kɛ Ludanɛ ń yãi kũ sáabukpanaao. 2À adua kɛ kínanɔnɛ kũ gbãnadenɔ ń pínki, de ò le ògɔ̃ kun aafia yãkete sari ludayãmarinɔ ũ, ó kunna gɔ̃ bɛ̀ɛrɛ vĩ. 3Abirekũ mɛ́ à mana, àdi ká Luda ó Surabarin. 4À ye gbɛ̃ sĩnda pínki surabana le ògɔ̃ yãpura dɔ̃.

5Zaakũ Luda mɛ̀n domɛ,

akũsɔ̃ yãkɛkɛri kun mɛ̀n do

Luda kũ bisãsirinɔ dagura,

àkũmɛ bisãsiri Kirisi Yesu ũ.

6À a zĩda kpà à gbɛ̃ sĩnda pínki bò,

akũ ò a sèedaa kɛ̀ a gɔrɔa.

7Abire yãi Luda ma ditɛ a kpàkpakɛri kũ a zĩ̀riio ũ, de mà a donyĩ zɛ́ yãpurade da buri pãndenɔnɛ. Yãpuran matɛn o, adi kɛ ɛ́kɛnlo.

8Má ye gɔ̃gbɛ̃nɔ adua kɛ gu sĩnda pínkia, ò ɔ sɛ́ musu gbãsĩ sari, pɔfɛ̃ kũ lɛ́kpakɔ̃anaao sari. 9Má ye dɔ nɔgbɛ̃nɔ ń zĩda kɛkɛ a zɛ́a yɔ̃̀gɔ̃kɛnaa sari, zĩdamɔnnɛnaa baasi. Adi kɛ kũ mì yɔ̃̀gɔ̃de tãnaao ke wura kũ òso nɔmanablebɔnɔ ke biza ɔgɔdenɔonlo. 10Ò ń zĩda kɛkɛ kũ yãmanakɛnaao lákũ à kũ̀ nɔgbɛ̃ donyĩrinɔ kɛ nà. 11Nɔgbɛ̃nɔ yã dada yĩtɛna, ò mì natɛ yã sĩnda pínki gũn. 12Madì we nɔgbɛ̃nɔ yã dada gɔ̃gbɛ̃nɔnɛ ke ògɔ̃ iko vĩḿmaro, séde ògɔ̃ yĩtɛna kítikiti. 13Zaakũ Adamun Luda kɛ̀ káaku, a gbɛra Awau. 14Adi kɛ Adamun ò sã̀tɛro, nɔgbɛ̃n ò sã̀tɛ à gɔ̃̀ taaride ũ. 15Ama tó nɔgbɛ̃nɔ mɛna fɔ̃̀ kũ ludanaanikɛnaao kũ yenyĩo kũ kúadonaao zĩdamɔnnɛnaa baasi, oni nɛ́ i aafia.

Currently Selected:

1 TIMƆTI 2: BB2005

Highlight

Copy

Compare