Popular Bible Verses from 1 TIMƆTI 2

Share

Zaakũ Luda mɛ̀n domɛ, akũsɔ̃ yãkɛkɛri kun mɛ̀n do Luda kũ bisãsirinɔ dagura, àkũmɛ bisãsiri Kirisi Yesu ũ. À a zĩda kpà à gbɛ̃ sĩnda pínki bò, akũ ò a sèedaa kɛ̀ a gɔrɔa.

Káaku gĩa ma lɛ́ dàmma, à adua kɛ gbɛ̃ sĩnda pínkinɛ à zɛ́ gbɛkańnɛ, à kútɛ kɛ Ludanɛ ń yãi kũ sáabukpanaao. À adua kɛ kínanɔnɛ kũ gbãnadenɔ ń pínki, de ò le ògɔ̃ kun aafia yãkete sari ludayãmarinɔ ũ, ó kunna gɔ̃ bɛ̀ɛrɛ vĩ.

Má ye gɔ̃gbɛ̃nɔ adua kɛ gu sĩnda pínkia, ò ɔ sɛ́ musu gbãsĩ sari, pɔfɛ̃ kũ lɛ́kpakɔ̃anaao sari. Má ye dɔ nɔgbɛ̃nɔ ń zĩda kɛkɛ a zɛ́a yɔ̃̀gɔ̃kɛnaa sari, zĩdamɔnnɛnaa baasi. Adi kɛ kũ mì yɔ̃̀gɔ̃de tãnaao ke wura kũ òso nɔmanablebɔnɔ ke biza ɔgɔdenɔonlo. Ò ń zĩda kɛkɛ kũ yãmanakɛnaao lákũ à kũ̀ nɔgbɛ̃ donyĩrinɔ kɛ nà.