Sâm 143
143
Nshwam-Ochwâp
1Óburúkpâbí, jwo nshwam ejí.
Ké kanong eyên echi,
fwôo atông a-jwo arông nyí mu n-tîm m ǒ.
Faa mě ojá eringe nyí amu a-chi i kángkáng byěm ḿbyí a/ryí ocím.
2*Da mě epan me mú ḿgbán eyên mpan*
ké nǎ, onet o*fí mú mu o-chi i kanong ké bushú eyên*.
3Onet-bushwôn ejí oo/kyé mě o-kám,
ne oo/kpógê mě kángkáng.
Oo/fé mě ké mgbokobá-kyifip,
ne me n/firi wǎ banet ḿbé ba/kpú kaa/rí.
4Ké bubwô ámbu, me n/firi kyeekyee.
Asa aa/man mě kángkáng.
5Me mu n-zîim m ací nyí a/shwôm ké esim.
Me mu n-kabe ng kyi-kim ne byěm kángkáng ḿbyí aa/chi mě.
Mu n-tî ng kángkáng byěm eyên ké dyityém ḿbyí amu a-chi i.
6Me mu m-bêem m abwô kyíbóng n-kye ǒ ké nshwam efé.
Wo amu a-jê ng busun ejí
wǎ eringe nyí omu odajê esí nyí ee/jwóm.
7Óburúkpâbí, faa mě ojá kántîk.
Dyityém dyi*fí mě to*.
*Da mě erôo byiko eyên*
eringe nyí mm*ba/chi n-kyú ké burwám-banet ḿbé mbe ba-jâ ké oshê-bakúsí*.
8Kû mě ezîim kángkáng dyicófóróng
kyi-kim ne kyijé eyên ńkyí kii*man*
ké nǎ, me mu n-tî ng dyityém ejí ké wo.
Banshwam ejí mbe ba-jâ ba-kâm ǒ kyíbóng.
Tông mě kiǐfáng ńkyí ndacen.
9Óburúkpâbí, me mu m-bâ n-kâm ǒ n/fu, ku mě.
Nyii mě ké abwô nyí banet-bushwôn ejí.
10Wo a-chi i Osówo ejí.
Tángê mě n-kûchi ńkyí amu a-ryuu ng.
Kyi/bát Busun eyên ḿbú bunong busí mě ké kiǐfáng
ńkyí chwǒm kii*ta mě*.
11Óburúkpâbí, nyii mě
wǎ eringe nyí a/ryí ocím.
Ké kanong eyên,
nyii mě ké afaníkong ejí.
12Ké bubwô-kyijé eyên ne me,
ju banet-bushwôn ejí.
Ju to kángkáng banet ḿbé mbe ba-cít ng mě,
ké nǎ, me mu ḿgbán eyên.
Currently Selected:
Sâm 143: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
