Popular Bible Verses from Sâm 143

Share

Wo a-chi i Osówo ejí. Tángê mě n-kûchi ńkyí amu a-ryuu ng. Kyi/bát Busun eyên ḿbú bunong busí mě ké kiǐfáng ńkyí chwǒm kii*ta mě*.

Kû mě ezîim kángkáng dyicófóróng kyi-kim ne kyijé eyên ńkyí kii*man* ké nǎ, me mu n-tî ng dyityém ejí ké wo. Banshwam ejí mbe ba-jâ ba-kâm ǒ kyíbóng. Tông mě kiǐfáng ńkyí ndacen.

Óburúkpâbí, me mu m-bâ n-kâm ǒ n/fu, ku mě. Nyii mě ké abwô nyí banet-bushwôn ejí.

Óburúkpâbí, nyii mě wǎ eringe nyí a/ryí ocím. Ké kanong eyên, nyii mě ké afaníkong ejí.

Óburúkpâbí, jwo nshwam ejí. Ké kanong eyên echi, fwôo atông a-jwo arông nyí mu n-tîm m ǒ. Faa mě ojá eringe nyí amu a-chi i kángkáng byěm ḿbyí a/ryí ocím.

Óburúkpâbí, faa mě ojá kántîk. Dyityém dyi*fí mě to*. *Da mě erôo byiko eyên* eringe nyí mm*ba/chi n-kyú ké burwám-banet ḿbé mbe ba-jâ ké oshê-bakúsí*.

Me mu n-zîim m ací nyí a/shwôm ké esim. Me mu n-kabe ng kyi-kim ne byěm kángkáng ḿbyí aa/chi mě. Mu n-tî ng kángkáng byěm eyên ké dyityém ḿbyí amu a-chi i.