Sâm 142
142
Nshwam-Ochwâp
1Me mu n-kó ng Óburúkpâbí
n-tîm m ǎ arông n/fu, ochwáp mě.
2Mu n-sét ng ǎ kángkáng byiraa ejí
ne kángkáng afaníkong ejí.
3Ké nkéré busun ejí bu/firi kyeekyee,
[nyǐ o-nyît ng ńkyí ndachi.]
Banet-bushwôn ejí baa/rôo kaǎtám
ba-tî mě ké kiǐfáng ńkyí mu n-cen n.
4Â m/bírî achi ké esim n-tún
nn*ri onet mú oda mě echwáp*.
Onet o*fí mú oda mě ebám*.
Onet o*fí mú mu o-nen n mě*.
5Óburúkpâbí, me mu n-tii ng
n-kó ng ǒ n/fu, chwáp mě.
Óburúkpâbí, wo amu Onet-Obâm ejí.
Wo amu kángkáng byěm ḿbyí [mu n-ryuu ng] ké dyikpen ńdyín.
6Fwôo atông a-jwo bukyû ejí ḿbú mu n-tii ng n/fu, chwáp mě,
ké nǎ, baa/bwa ne me kyísí kyísí.
Nyii mě ké abwô nyí banet-bushwôn ejí,
ké nǎ, mbé ba/shwôm mě busa.
7Chi mě n-fem ké [bafip] ejí,
ne me n/chi n-kye ǒ akpee ké burwám-banet eyên,
ké nǎ, wo amu kanong ne me.
Currently Selected:
Sâm 142: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
