Póróvep 10
10
Atím-Ekan nyí Otu-Sólómon
1Nyín něen atím-ekan nyí Otu Sólómon.
Wǎn mú mu ne bubong o-chi i bonchí o-kyú ké bunyîn-dyityém, nké mú mu enyam o-kyâ boné bafip.
2Efang efang ké kyibî-bukwóp ee*chwáp ǒ* nké kanong echi ka-nyii ng dyikpen eyên.
3Óburúkpâbí oo*mîng banet ḿbé mbe ba-chi i kanong ba-kyú esong* ne oo*bángê bambên atyém ba-já ńkyí mbé mbe ba-ryuu ng*.
4Dyidare dyi-chi i ǒ a-kyú kyikpu, nké busa ké bǎmkpóngé echi bu-chi i ǒ a-kyú ne esang.
5Onet mú mu ne bubong o-fuu ng byiryíng ké nkéré bii/kán. Nké nkyi chwǒm-éshwân ńkyí adarê ké nkéré-byiryíng efuu.
6Osówo o-jware ng onet mú mu kanong, nké bunyîn-ejá ḿbú mbên dyityém mbu bu-cít ng kyibî-dyityém emen.
7Ozîim mú banet ḿbé mbe kanong o-chi i njware, nké kaa*rí ne ba-ráp bambên atyém*.
8Banet ḿbé mbe ne bubong ba-koo ng bacê ḿbé banong. Nké banet ḿbé mbe ba-raa ng byiraa-enyam ényam ba/chi ba-tánê.
9Banet ḿbé mbe ba-sét ng ntûntû ba-kyú kanong, nké ba/chi ba-kám bansêt byisédéng.
10Onet mú o*fí o-bángê e ntûntû esét* mu o-cen n ne afaníkong, [nké onet mú o*fí o-shî ng ebîn banet* mu o-cen n ne bunyîn-dyityém.]
11Ejá nyí onet mú mu o-chi i kanong nyi e-kyâ dyikpen, nké nyí mbên dyityém nyi e-cít ng kyibî-dyityém emen.
12Busa-dyityém bu-cen n ne afaníkong, nké kyijé kyi-pwoo ng kángkáng byibî.
13Banet ḿbé mbe ne bubong ba-raa ng byiraa-bubong, nké kyi/kwárê ńkyí badakye enyam-banet busông.
14Banet ḿbé mbe ne bunong ba-já ng kángkáng byinyídíng ḿbyí badaman ejá, nké ké nkéré enyam-banet e-kú e-raa ng, ányi afaníkong a/firi fáráng.
15Esang e-ku ng nfang-onet ké afaníkong, kyikpu kyi-ju ng onet-kyikpu.
16Kanong echi ka-ryí i mpún mú dyikpen. Byibî echi byi-ryí i mpún mú byibî.
17Banet ḿbé mbe ba-jwo ng bacê ba/chi ba-kpen, nké banet ḿbé mbe ba-né ng ejwo ba/chi ba-tánê.
18Onet mú mu o-rôo ng dyityém-busa emen o-chi i nsêt byisédéng. Nang yeě nké mu o-ram m eram o-chi i enyam-onet.
19Kyiraa eraa chwóó kyi-cen n ne kyibî echi. Â wo amu ne bubong, a-cíbî ng pyêp.
20Byiraa ḿbyí onet mú mu o-chi i kanong mbyi wǎ étingétingé-akpuga. Okabe mú mbên dyityém o*da/byí chwǒm*.
21Byiraa ḿbyí onet mú mu o-chi i kanong byi-chwáp ng banet chwóó, nké a-man n eju byiko eyên ké enyam eróng.
22Ojware mú Óburúkpâbí o-chi i ǒ a-firi nfang-onet, [bǎmkpóngé echi a-fé busa baa*chi ǒ a-firi nfang-onet a-shwôm*.]
23Nkyi enyam ńkyí adakyú ne bunyîn-dyityém ké byěm echi ḿbyí bii*nwa* nké banet ḿbé mbe ne byinyídíng ba-jêe ng ké nkéré mú ba/chîjá bubong.
24Banet ḿbé mbe ba-chi i kanong ba-já ng ńkyí mbé mbe ba-ryuu ng, nké bambên atyém ba/chi ba-já ńkyí mbé badashî ba-shwôm.
25Afú nyí aryên a-bâ ng etugi bambên atyém a-pwó kú, nké banet ḿbé baa*sét byisédéng* ba-bwom m ne banyá.
26*Dabángê onet-dyidare o-chi ǒ bǎmkpóngé*. Kyi-kû ng ǒ eruu wǎ kiiruuruu-bukye ké asháng eyên ne kyi-sa ng ǒ wǎ arúkwâ ké achi eyên.
27Chi ńkyí Óburúkpâbí mu o-sét ng ne a/chi a-kpen a-tíbî, nké bambên atyém mbe ba-kpú u ne nkéré ebe o-kûfyi.
28Okabe mú banet ḿbé mbe ba-chi i kanong o-kyâ kámbé bunyîn-dyityém, nké mú bambên atyém oo*ba/chi o-byí kámbé dyishí*.
29Óburúkpâbí mu o-ku ng banet ḿbé mbe ba-sét ng ntûntû, nké o-ju ng ḿbé mbe ba-chi i ńkyí kii*nwa*.
30Banet ḿbé mbe ba-chi i kanong ba-bwom m ne banyá, nké bambên atyém baa*kpen ké esí ńnyín*.
31Banet ḿbé mbe ba-chi i kanong ba-raa ng byiraa-bubong, nké ba/chi ba-chi banet ḿbé mbe ba-raa ng byibî ba-cíbî pyêp.
32Banet ḿbé mbe ba-chi i kanong ba-tông ng dyityém ecángê ké byiraa ebe, nké kángkáng nkéré bambên atyém ba-raa ng byibî-byiraa.
Currently Selected:
Póróvep 10: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
