Popular Bible Verses from Póróvep 10

Share

Ojware mú Óburúkpâbí o-chi i ǒ a-firi nfang-onet, [bǎmkpóngé echi a-fé busa baa*chi ǒ a-firi nfang-onet a-shwôm*.]

Kyiraa eraa chwóó kyi-cen n ne kyibî echi. Â wo amu ne bubong, a-cíbî ng pyêp.

Busa-dyityém bu-cen n ne afaníkong, nké kyijé kyi-pwoo ng kángkáng byibî.

Dyidare dyi-chi i ǒ a-kyú kyikpu, nké busa ké bǎmkpóngé echi bu-chi i ǒ a-kyú ne esang.

Banet ḿbé mbe ba-jwo ng bacê ba/chi ba-kpen, nké banet ḿbé mbe ba-né ng ejwo ba/chi ba-tánê.

Banet ḿbé mbe ba-sét ng ntûntû ba-kyú kanong, nké ba/chi ba-kám bansêt byisédéng.

Chi ńkyí Óburúkpâbí mu o-sét ng ne a/chi a-kpen a-tíbî, nké bambên atyém mbe ba-kpú u ne nkéré ebe o-kûfyi.

Óburúkpâbí oo*mîng banet ḿbé mbe ba-chi i kanong ba-kyú esong* ne oo*bángê bambên atyém ba-já ńkyí mbé mbe ba-ryuu ng*.

Afú nyí aryên a-bâ ng etugi bambên atyém a-pwó kú, nké banet ḿbé baa*sét byisédéng* ba-bwom m ne banyá.