Vẽnegre 8
8
Soagdg a yopoe soabã sokre
1Pe-bilã sẽn sok soagdg a yopoe soabã, arzãn pʋg yɩɩ sɩddd... tɩ kolg lɛɛr pʋɩ-sʋka. 2Mam yãnda malegs a yopoe sẽn yas Wẽnnaam taoorã, la b kõ-b-la bard a yopoe. 3#Amo 9.1, Yik 30.1,3La malɛɛk a to n wa n yals tẽn-kugrã zugẽ. Yẽnda ra zãada wisd laag sẽn yaa sãnem. B kõo yẽnda tɩdar wʋsg t'a naag ne nin-sõamyã fãa pʋʋsg n yõog sãnem tẽn-kugrã sẽn be geerã taoorã zugu, tɩ yɩ maoongo. 4Tɩdarã bug-zõos naaga ne nin-sõamyã pʋʋsg n yi malɛɛkã nugẽ n zẽk yĩngri, Wẽnnaam taoore. 5#Mk 16.12, Eze 10.2, Yik 19.16, Vẽn 11.19, 16.18Malɛɛkã rɩka wisd laagã n pids-a ne tẽn-kugrã zug bugmã n lob-a tẽngã zugu. Sa-kelemse, la kelemse, la sa-yãgbo, ne tẽn-digimdg zĩndame.
Bard a yopoe peebgo
6La malegs a yopoe wã sẽn da zãad bard a yopoe wã seglame n na n peeb bardã. 7#Yik 9.23-25, Eze 38.22Pipi malɛɛkã peeba baorgo. La sapɩlem ne bugum sẽn kalem ne zɩɩm zĩndame, la b lob-b-la tẽng zugu. Tẽngã pʋɩɩr a yembr tãab sʋk rɩɩ bugum, tɩɩg a yembr tãab sʋk rɩɩ bugum, la mo-maasã fãa rɩɩ bugum.
8Malɛɛk a yiibẽ soabã peeba baorgo. La b loba bũmb sẽn wẽnd wa tãn-kãseng sẽn dɩt bugum ko-kãsengã pʋga. La ko-kãsengã pʋɩɩr a yembr tãab sʋk lebga zɩɩm. 9La bõn-naands nins sẽn dag n be ko-kãsengã pʋgẽ n vɩ wã pʋɩɩr a yembr tãab sʋk kiime. La koom kogendã pʋɩɩr a yembr tãab sʋk sãamame.
10 #
Eza 14.12
Malɛɛk a tãabẽ soabã peeba baorgo. La ãd-kẽeng sẽn dɩt bugum wa bug-vɩleng yii yĩngr n lʋɩ. Yẽnda lʋɩɩ ko-zoetmã pʋɩɩr a yembr tãab sʋk zugu, la ko-bundsã pʋɩɩr a yembr tãab sʋk zugu. 11#Zer 9.14Ãd-kãng yʋʋr boondame t'a Zẽnem. La koomã pʋɩɩr a yembr tãab sʋk lebga zẽnem, la koomã sẽn lebg zẽnemã kʋʋ ninsaalb wʋsgo. 12#Eza 13.10, Eze 32.7Malɛɛk a naasẽ soabã peeba baorgo. La wĩntoogã pʋɩɩr a yembr tãab sʋka, la kiuugã pʋɩɩr a yembr tãab sʋka, la ãdsã pʋɩɩr a yembr tãab sʋk pãng sɛɛme, sẽn na yɩlg la pʋɩɩr a yembr tãab sʋk lebg lika, tɩ wĩndg vẽenem pãng boog sẽn tat pʋɩɩr a yembr tãab sʋka, tɩ yʋng vẽenem pãng boog a woto. 13Mam gesame, la m wʋma sɩl-kẽeng sẽn yɩgd sa-gãnã sʋka, n zẽk a koɛɛg ne pãng n yetẽ yaa: Toogo! Toogo! Ninsaalbã sẽn be tẽng zugã na n paama toogo, bardã a taabã malegsã sẽn na n peebã koees yĩnga.
Currently Selected:
Vẽnegre 8: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
