Popular Bible Verses from Vẽnegre 8

Share

Pe-bilã sẽn sok soagdg a yopoe soabã, arzãn pʋg yɩɩ sɩddd... tɩ kolg lɛɛr pʋɩ-sʋka.

Pipi malɛɛkã peeba baorgo. La sapɩlem ne bugum sẽn kalem ne zɩɩm zĩndame, la b lob-b-la tẽng zugu. Tẽngã pʋɩɩr a yembr tãab sʋk rɩɩ bugum, tɩɩg a yembr tãab sʋk rɩɩ bugum, la mo-maasã fãa rɩɩ bugum.

Mam gesame, la m wʋma sɩl-kẽeng sẽn yɩgd sa-gãnã sʋka, n zẽk a koɛɛg ne pãng n yetẽ yaa: Toogo! Toogo! Ninsaalbã sẽn be tẽng zugã na n paama toogo, bardã a taabã malegsã sẽn na n peebã koees yĩnga.

Malɛɛk a yiibẽ soabã peeba baorgo. La b loba bũmb sẽn wẽnd wa tãn-kãseng sẽn dɩt bugum ko-kãsengã pʋga. La ko-kãsengã pʋɩɩr a yembr tãab sʋk lebga zɩɩm.

Malɛɛk a tãabẽ soabã peeba baorgo. La ãd-kẽeng sẽn dɩt bugum wa bug-vɩleng yii yĩngr n lʋɩ. Yẽnda lʋɩɩ ko-zoetmã pʋɩɩr a yembr tãab sʋk zugu, la ko-bundsã pʋɩɩr a yembr tãab sʋk zugu. Ãd-kãng yʋʋr boondame t'a Zẽnem. La koomã pʋɩɩr a yembr tãab sʋk lebga zẽnem, la koomã sẽn lebg zẽnemã kʋʋ ninsaalb wʋsgo.

Malɛɛk a naasẽ soabã peeba baorgo. La wĩntoogã pʋɩɩr a yembr tãab sʋka, la kiuugã pʋɩɩr a yembr tãab sʋka, la ãdsã pʋɩɩr a yembr tãab sʋk pãng sɛɛme, sẽn na yɩlg la pʋɩɩr a yembr tãab sʋk lebg lika, tɩ wĩndg vẽenem pãng boog sẽn tat pʋɩɩr a yembr tãab sʋka, tɩ yʋng vẽenem pãng boog a woto.