Vẽnegre 7
7
Israyɛll neb 144 000 sẽn tar bãna
1 #
Zer 49.36, Dãn 7.2, Zaka 6.5 Dẽ poore, mam yãnda malegs a naas sẽn yas dũniyã kɩrems a naasã. Bãmb dag n yõka dũniyã sebd a naasã, sẽn na yɩl tɩ b ra wẽ tẽngã wall ko-kãsengã wall tɩɩg baa a yembr ye. 2La mam yãnda malɛɛk a to sẽn yi yaang n zẽkdẽ, la yẽnda ra zãada Wẽnnaam sẽn vɩ wã bãn-ningdga. Malɛɛkã zẽka a koɛɛg n kelem n yeel malegs a naasã b sẽn da kõ noor tɩ b maan tẽngã ne ko-kãsengã wẽngã yaa: 3#Eze 9.4,6Da maan-y tẽngã wall ko-kãsengã wall tɩɩsã bũmbu, hal tɩ tõnd paam n ning d Wẽnnaamã tʋmtʋmdbã rĩyã bãnde. 4La mam wʋma neb nins b sẽn ning bãndã sõore. Yaa neb tus koabg la tus pis-naas la a naase, a Israyɛll buudã fãa kambã sʋka. 5A Zʋʋda buudã neb b sẽn ning bãndã sõor yaa tus piig la a yiibu. A Rubɛn buudã me yaa neb tus piig la a yiibu. A Gaad buudã me yaa neb tus piig la a yiibu, 6a Azɛɛr buudã me yaa neb tus piig la a yiibu, a Neftali buudã me yaa neb tus piig la a yiibu, a Manaase buudã me yaa neb tus piig la a yiibu, 7a Sɩmyõ buudã me yaa neb tus piig la a yiibu, a Leevi buudã me yaa neb tus piig la a yiibu, a Isakaar buudã me yaa neb tus piig la a yiibu, 8a Zabulõ buudã me yaa neb tus piig la a yiibu, a Zozɛf buudã me yaa neb tus piig la a yiibu, a Benzame buudã me yaa neb tus piig la a yiibu.
Neb kʋʋng sẽn yer fu-peelse
9Dẽ poore, mam gesame, la mam yãnda neb kʋʋng ned sẽn ka tõe n sõd n sɛ ye. Bãmb yii soolem dãmbã fãa pʋse, buud toay-toayã fãa pʋse, tẽms toay-toayã fãa pʋse, la sẽn gomd goam buud toay-toayã. Bãmb dag n yera fu-peelse, la b zãad koms vãad b nusẽ n yas geerã taoore, la pe-bilã taoore. 10Bãmb dag n zẽkda b koees ne pãng n yetẽ: Fãagrã bee ne tõnd Wẽnnaam sẽn zao geerã zugã, la ne pe-bilã. 11La malegsã fãa ra yas n gũbga geerã ne kãsem-dãmbã la bõn-vɩɩs a naasã. Bãmb wõgemdame n fõgen b nens tẽng geerã taoor n waoog Wẽnnaam 12n yetẽ yaa: Ãmina! Pẽgre, la ziiri, la yam la bark pʋʋsgo, la waoogre, la pãn-tõogo, la pãng yaa tõnd Wẽnnaamã n so zamaan woo zamaana! Ãmina! 13Dẽ, kãsem-dãmbã ned a yembr gomame n sok maam yaa: Neb nins sẽn yeelg fu-peelsã yaa ãnda rãmba, la b yita yɛ? 14#Dãn 12.1, Mat 24.21, Mark 13.19Mam leoka yẽnda yaa: M zu-soaba, yãmb n mi. La a yeela maam yaa: Yaa neb nins sẽn yi to-kãsengã pʋgẽ wã. Bãmb pegsa b fut pe-bilã zɩɩmẽ tɩ b lebg peelse. 15Yaa woto yĩng n kɩt tɩ b be Wẽnnaam geerã taoore, n tʋmd Wẽnnaam tʋʋmd wĩndg la yʋng bãmb roogã pʋgẽ. Ned ning sẽn zao-a geerã zugã na n ninga bãmb b fu‑roogã pʋga.
16 #
Eza 49.10
Kom kõn leb n yõk-ba,
ko-yũud kõn leb n yõk-ba,
la wĩntoogo, wall tʋʋlg kõn leb n wẽ-b ye.
17 #
Yɩɩn 23.1, Eze 34.23,
Yɩɩn 23.2, Eza 49.10,
Eza 25.8
Bala, Pe-bilã sẽn be geerã sʋkã na n dɩlga bãmba, la b tall-b n kẽng vɩɩm ko-bunds zĩisẽ, la Wẽnnaam na n yẽesa bãmb nintãmã fãa.
Currently Selected:
Vẽnegre 7: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
