Vẽnegre 9
9
1Malɛɛk a nu soabã peeba baorgo. Mam yãnda ãdg a yembr sẽn yi saasẽ n lʋɩ tẽngã zugu. La b kõo yẽnda bulg sẽn zulum n ka tar tɛk kʋɩlen-bila. 2#Sɩng 19.28Yẽnda paka bul-zulungã, la bug-zõos sẽn wẽnd wa wʋn-kãseng bug-zõos yii bulgẽ wã. La bug-zõosã sẽn yi bulgẽ wã soba wĩntoogã ne pemsmã. 3#Yik 10.12-15Sʋy yii bug-zõosẽ wã n sãeeg n kẽ tẽngã, la b kõo bãmb pãn-tõog sẽn yaa wa tẽng zug namsã sẽn tarã. 4#Eze 9.4La b yeel-b lame tɩ b ra sɩɩs moodã sẽn be tẽng zugã wall bũmb baa a yembr sẽn ningd vãado, wall tɩɩg baa a yembr ye. B zab ne neb nins sẽn ka tar Wẽnnaam bãnd b rĩyẽ wã bala. 5B ka kõ sʋyã noor tɩ b kʋ nebã ye, la yaa tɩ nams-b kiis a nu. La namsg ning b sẽn namsd nebã wẽnda wa nang sẽn dũmd ned t'a namsd to-to wã. 6#Zoob 3.21, Zer 8.3Da-kãense, ninsaalbã na n baoo kũum la b kõn yãnd-a ye. Bãmb na n datame n ki, la kũum na n zoee n zãaga ne bãmba.
7 #
Zow 2.4
Sʋy kãens wẽnda wa wiid sẽn seglg zabr yĩnga. Bũmb n da be b zutẽ wã n yaa wa maanf-rãmba, n wẽnd wa sãnem, la b nensã ra yaa wa ninsaalb nense. 8#Zow 1.6Sʋyã rag n tara zoobd wa pagb zoobdo, la b yẽnã dag n wẽnda wa gɩgemd yẽna. 9#Zow 2.5Bãmb da tara yãad sẽn yaa wa kut gãn‑tigsi, la b pɩgsã bʋrg ra yaa wa terok-rãmb wiid wʋsg sẽn tat n zoet n dabd zabr zĩigẽ bʋrgo. 10Bãmb dag n tara zʋy sẽn wẽnd nams zʋyã, la b tara zʋ-gõose, la pãn-tõog ning bãmb sẽn na n tall n nams ninsaalbã kiis a nu wã ra bee bãmb zʋyẽ wã. 11Bãmb tara b naaba, bul-zulung malɛɛkã n so bãmba. A yʋʋr ne Ebre yaa ‹Abadõ› la ne Gɛrk yaa ‹Apolyõ,› [sẽn dat n togs tɩ sãamda.]
12Pipi toogã loogame. Ad tood a yiib n ket n wat yõwã poore.
13 #
Yik 30.1-3
Malɛɛk a yoobẽ soabã peeba baorgo. La mam wʋma koɛɛg sẽn yi sãnem tẽn-kugrã sẽn be Wẽnnaam taoorã yɩɩl a naasẽ wã. 14Koɛɛgã yeela malɛɛk a yoobẽ soabã sẽn da zãad baorgã yaa: Baag malegs a naasã b sẽn balg kʋɩl-kãseng ning sẽn boond tɩ Efartã zugã. 15La b baaga malegs a naasã sẽn da segl n sɛ wakate, la daare, la kiuugu, ne yʋʋmdã yĩngã, tɩ b kʋ ninsaalbã ned a yembr tãab fãa sʋka. 16La zab-zabdbã sẽn yaa wed-rʋʋdbã sõor dag n yaa tus‑kẽema kobs-yi. Mam wʋma b sõorã. 17Woto, vẽnegrã pʋgẽ mam yãnda wiidã ne neb nins sẽn zao-bã. Bãmb da tara gãntigsi, tɩ b kõbgã ya wa bugum, la wa kugr b sẽn boond tɩ safɩɩre, la wa kidbri. Wiidã zut dag n wẽnda gɩgem zutu. Bugum ne bug-zõos la kidbr n dag n yit b noyẽ wã. 18To-kãensã a tãabã sẽn yaa bugmã, la bug-zõosã ne kidbrã sẽn da yit wiidã noyẽ wã kʋʋ ninsaalbã ned a yembr tãab sʋka. 19Bala, wiidã pãn-tõogã bee b noyẽ wã ne b zʋyẽ wã. Bãmb zʋyã wẽnda wa wiisi. Zʋyã tara zutu, la yaa rẽ la b tar n namsd ninsaalbã.
20 #
Yɩɩn 115.4-7, 135.15-17, Dãn 5.23 La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye. 21Bãmb ka kos sugr b nin-kʋʋrã la b bag-bʋgrã ne b yoobã la b wagdmã yĩng ye.
Currently Selected:
Vẽnegre 9: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
