Vẽnegre 21
21
Arzãn paalg la dũni paalga
1 #
Eza 65.17, 66.22, 2Pɩy 3.13 Mam yãnda yĩngr paalga, la dũni paalga, bala, dẽenem yĩngrã ne dẽenem tẽngã loogame, la ko-kãsengã ka leb n be yɛs ye. 2#Eza 52.1, Vẽn 3.12, Eza 61.10La mam yãnda tẽn-sõngã, Zeruzalɛm paalgã sẽn yi Wẽnnaam nengẽ n sigda, la a wẽnda wa pag sẽn nags a meng a sɩd yĩnga. 3#Eze 37.27, Mk 26.11,12Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba. 4#Eza 25.8, Eza 35.10, 65.19Wẽnnaam na n yẽesa nintãm fãa sẽn be b ninẽ wã. Kũum kõn leb n zĩnd ye, la sũ-sãang wall yãbre, wall toog kõn leb n zĩnd ye. Bala, dẽenem bũmbã fãa loogame.
5Ned ning sẽn zao geerã yeelame yaa: Ade, mam maanda bũmbã fãa paalse. La b yeel yaa: Gʋlse, bala, gom-kãensã yaa vẽenega, la b yaa sɩda. 6#Eza 55.1Bãmb yeela maam yaa: Maaname! Maam la Alfa la Omega, Sɩngre, la Sɛɛbo. Mam na n kõo ned ning ko-yũud sẽn tarã vɩɩm ko-bundmã zaalem. 7#2Sãm 7.14, Yɩɩn 89.27,28Ned ning sẽn na n tõogã pʋɩɩr na n yɩɩ a woto: Mam na n yɩɩ yẽnda Wẽnnaam, la yẽnda na n yɩɩ mam biiga. 8La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.
9Dẽ poore, malegs a yopoe wã sẽn da zãad laas a yopoe sẽn pid ne yaoolem tood a yopoe wã ned a yembr waa n goma ne maam n yeel yaa: Wa tɩ m na n wilg-f‑la pʋg-paalã, pe-bilã pagã.
10 #
Eze 40.2
Malɛɛkã rɩka maam m yamẽ n kẽng tãn-kãseng sẽn yaa lug‑lug zugu.
La a wilga maam tẽn-sõngã sẽn yaa Zeruzalɛmã sẽn yi yĩngri, Wẽnnaam nengẽ n sigdã. 11Tẽngã dag n tara Wẽnnaam zĩirã. Yẽnda ra-sãndã rag n wẽnda wa kugr sẽn be yõod wʋsg neerlem, wa kugr b sẽn boond tɩ zaspe#21.11,18-20 Yaa kug buud sẽn be neer wʋsg tɩ gese, la b yãab ne b raab ya toogo. n tond wa vɛɛre. 12#Eze 48.30-35A rag n tara lal-kãseng sẽn yaa zãondgo. A rag n tara zag-noy piig la a yiibu, tɩ malegs piig la a yiib be zag-noeyẽ wã. Yʋy n da gʋls b zutu: Yaa Israyɛll buud piig la a yiibã yʋya. 13Zag-noy a tãab n be yaanga, t'a tãab be rɩtgo, t'a tãab be goabga, t'a tãab be nin-taoore. 14Tẽngã lalg mee yẽbgr piig la a yiib zugu, la b gʋlsa pe-bilã tẽn-tʋmdb piig la a yiibã yʋy yẽbg-kãens zutu. 15#Eze 40.3Malɛɛk ning sẽn dag n gom-a ne maamã dag n tara makdg sẽn yaa sãnem dasaare, n na n mag tẽngã ne a zag-noyã la a lalgã. 16Tẽngã ra yaa maoko, t'a woglmã ne a yalmã zem taaba. Malɛɛkã maga tẽngã ne sãnem dasaarã: Yaa kɩlo tus a yi. A woglmã ne a yalmã la a zãntlemã rag n zema taaba. 17Yẽnda maka lalgã: A yaa kãntɩɩs koabg la pis-naas la a naase, ninsaal kãntɩɩga, sẽn yaa a yembr ne malɛɛkã kãntɩɩga. 18#Eza 54.11,12Lalgã mee ne kugr sẽn boond tɩ zaspe, la tẽngã yaa sãnem halaal sẽn wẽnd wa vɛɛr halaale. 19Tẽngã lalgã yẽbgrã rag n nagsa ne kug buud fãa sẽn be yõodo. Pipi yẽbgrã yɩɩ ne zaspe, la yiibẽ soabã yɩɩ ne kugr sẽn boond tɩ safɩɩre, la tãabẽ soabã yɩɩ ne kugr sẽn boond tɩ kalsedoan, la naasẽ soabã yɩɩ ne kugr sẽn boond tɩ emeroode, 20la a nu soabã yɩɩ ne kugr sẽn boond tɩ sadonigsi, la a yoob soabã yɩɩ ne kugr sẽn boond tɩ sardoan, la a yopoe soabã yɩɩ ne kugr sẽn boond tɩ kirzoliti, la a nii soabã yɩɩ ne kugr sẽn boond tɩ berilli, la a wɛ soabã yɩɩ ne kugr sẽn boond tɩ topaaze, la piig soabã yɩɩ ne kugr sẽn boond tɩ kirzopraaze, la piig la a yembr soabã yɩɩ ne kugr sẽn boond tɩ Iyasẽnte, la piig la a yiib soabã yɩɩ ne kugr sẽn boond tɩ ametisti. 21Zag-noyã piig la a yiibã yɩɩ ne kugr b sẽn boond tɩ pɛrle. Zag-noor fãa yaa kug-yende. Tẽngã soay yaa sãnem halaale, n tond wa vɛɛre.
22Mam ka yã wẽnd-doog tẽngã pʋg ye. Bala, Zu-soab a Wẽnnaam Sẽn‑Tõe‑Fãa wã la pe-bilã me yaa tẽngã wẽnd doogo. 23#Eza 60.19,20Tẽngã ka baood tɩ wĩntoog bɩ kiuug yãg beenẽ ye. Bala, Wẽnnaam ziirã kõt-a-la vẽenem, la pe-bilã yaa a fɩtla. 24#Eza 60.3Soolem dãmbã na n kẽna bãmb vẽenemẽ wã, la dũni rĩm-dãmbã na n waa ne b zĩirã beenẽ. 25#Eza 60.11Tẽngã zag-noy kõn pag wĩndg ye, yʋng ka na n zĩnd beenẽ ye. 26B na n talla soolem dãmbã ziirã la b waoogrã n wa beenẽ. 27#Eza 52.1, Eze 44.9Bũmb sẽn yaa rẽgdo, wall ned ning sẽn maan wẽnga wall a yagd zĩrẽ kõn kẽ be ye. Yaa neb nins yʋy sẽn gʋls pe-bilã vɩɩm sebrẽ wã bal n na n kẽ.
Currently Selected:
Vẽnegre 21: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
