Popular Bible Verses from Vẽnegre 21

Share

Wẽnnaam na n yẽesa nintãm fãa sẽn be b ninẽ wã. Kũum kõn leb n zĩnd ye, la sũ-sãang wall yãbre, wall toog kõn leb n zĩnd ye. Bala, dẽenem bũmbã fãa loogame.

Ned ning sẽn zao geerã yeelame yaa: Ade, mam maanda bũmbã fãa paalse. La b yeel yaa: Gʋlse, bala, gom-kãensã yaa vẽenega, la b yaa sɩda.

Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba.

Bãmb yeela maam yaa: Maaname! Maam la Alfa la Omega, Sɩngre, la Sɛɛbo. Mam na n kõo ned ning ko-yũud sẽn tarã vɩɩm ko-bundmã zaalem.

Ned ning sẽn na n tõogã pʋɩɩr na n yɩɩ a woto: Mam na n yɩɩ yẽnda Wẽnnaam, la yẽnda na n yɩɩ mam biiga.

La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.

Mam yãnda yĩngr paalga, la dũni paalga, bala, dẽenem yĩngrã ne dẽenem tẽngã loogame, la ko-kãsengã ka leb n be yɛs ye.

La mam yãnda tẽn-sõngã, Zeruzalɛm paalgã sẽn yi Wẽnnaam nengẽ n sigda, la a wẽnda wa pag sẽn nags a meng a sɩd yĩnga.

Tẽngã ka baood tɩ wĩntoog bɩ kiuug yãg beenẽ ye. Bala, Wẽnnaam ziirã kõt-a-la vẽenem, la pe-bilã yaa a fɩtla. Soolem dãmbã na n kẽna bãmb vẽenemẽ wã, la dũni rĩm-dãmbã na n waa ne b zĩirã beenẽ.