Vẽnegre 20
20
Yʋʋm tusr naam dɩɩbo
1Dẽ poore, mam yãnda malɛɛk sẽn yi arzãn n sigda, n zãad bog zulungã kʋɩlen-biiga, la bãn-kãseng a nugẽ. 2#Sɩng 3.1Malɛɛkã yõka dargõ wã, la wag-kʋdrã sẽn yaa rõatã, la a Sʋtãanã n balg-a yʋʋm tusr yĩnga. 3A lob-a-la bog-zulungã pʋgẽ n page, la a sog bokã noor Sʋtãanã zugẽ, sẽn na yɩl t'a da leb n belg soolem dãmba yɛsa, hal tɩ yʋʋm tusrã pidsi. Rẽ poore, yaa tɩlɛ tɩ b lok-a n bas wakat bilf yĩnga. 4#Dãn 7.9,22Mam yãnda naam gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãnda neb nins b sẽn fiuus b zut a Zeezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kiris yʋʋm tusri. 5La kũum a taabã ka vʋʋg ye, hal tɩ yʋʋm tusrã pidsi. Vʋʋg-kãng yaa dẽenem vʋʋgre. 6Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kirisã maan-kʋʋdba, la b na n dɩɩ naam ne Kirisã yʋʋm tusri. 7Yʋʋm tusrã sã n wa pidi, b na n yiisa a sʋtãan a bi-bees roogẽ wã n bas-a, 8#Eze 7.2, Eze 38.2,9,15la a na n yiime n belg soolem nins sẽn be dũniyã kɩrems a naasã nebã, Gaoog ne Magaooge, sẽn na n yɩl n tigim bãmb zabr yĩnga. Bãmb sõorã yaa wa ko-kãsengã bĩisri. 9Bãmb yiime n yɛdg tẽng zugu, la b kẽe nin-sõamyã tãb-sikẽ wã, la tẽn-nongrẽ wã. La bugum yii arzãn n sig n dɩ-ba. 10B loba bɛlgdã, soab ning sẽn dag n belgd nebã bugum mogr sẽn dɩt kidbr pʋga, zĩig ning rũngã ne belgr no-rɛɛsã sẽn be wã. Bãmb na n namsa wĩndg ne yʋngo, zamaan woo zamaane.
Yaoolem bʋ-kaoore
11 #
Dãn 7.9,10 Dẽ poore, mam yãnda ge-kãseng sẽn yaa pɛɛlga, ne ned ning sẽn zao-a geerã zugã. La dũniyã ne saasẽ zoee bãmb taoor n looge, la zĩig ka leb n be bãmb yĩng ye. 12La mam yãnda neb nins sẽn ki wã, nin-kãsemse, nin-talse tɩ b yas geerã taoore. La b lagsa sɛba, la b laka sebr a to sẽn yaa vɩɩm sebre. B bʋʋ sẽn ki-bã bʋʋdo, n zems ne bũmb nins sẽn gʋls sɛbã pʋsã, n zems ned fãa tʋʋmd sẽn yɩ a soaba. 13Ko-kãsengã lebsa kũum nins sẽn da be be wã, tɩ kũumã ne kɩɩm-kulg lebs kũum nins sẽn da be be wã, la b bʋʋ bãmb ned kam fãa bʋʋd wa sẽn zems a tʋʋmã. 14B loba kũumã ne kɩɩm-kulg bugum ko‑kãsengã pʋga. Bugum ko‑kãsengã yaa kũum a yiib soaba. 15B loba ned ning fãa b sẽn ka yã a yʋʋr tɩ gʋls vɩɩm sebrã pʋgẽ wã bugum ko‑kãsengã pʋga.
Currently Selected:
Vẽnegre 20: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
