Vẽnegre 22
22
Arzãn soolem
1 #
Eze 47.1, Zaka 14.8 Malɛɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne pe-bilã geerẽ wã. 2#Sɩng 2.9Vɩɩm tɩɩgã bee tẽngã sʋka la kʋɩlgã kɩrems a yiibẽ wã. A womda naoor piig la a yiibu, a womda a biisã kiuug fãa. Tɩɩgã vãad tar n maagda soolem toay-toayã neb bãase. 3#Zaka 14.11Wẽnnaam sẽn kãab bũmb wẽng kõn leb n zĩnd be ye. Wẽnnaam ne pe-bilã geer na n zĩnda tẽngã pʋga. Bãmb tʋmtʋmdbã na n waooga bãmba, 4b na n yãnda Wẽnnaam nenga, la Wẽnnaam yʋʋrã na n zĩnda bãmb dĩyẽ wã. 5#Eza 60.19, Dãn 7.18Yʋng kõn leb n zĩnd ye, la nebã kõn dat fɩtl vẽenem wall wĩntoog vẽenem ye. Bala, Zu-soab a Wẽnnaam n na n yɩ bãmb vẽenem. La bãmb na n dɩɩ naam zamaan woo zamaana.
A Zeezi waoong kolgame
6Malɛɛkã yeela maam yaa: Sãmbg ka be gom-kãens pʋgẽ ye, la b yaa sɩda. Zu-soabã sẽn yaa no-rɛɛsdbã sɩɩs Wẽnnaamã tʋma b malɛɛk t'a wilg bãmb tʋmtʋmdbã bũmb nins sẽn tog n zĩnd bilf sã n paase. 7La a Zeezi yeelame: Gese, bilf sã n paas bala, mam na n waame. Bark bee ned ning sẽn sakd seb-kãngã bãngr goamã zugu.
8Yaa maam a Zã n wʋm bõn-kãense la m yãnd-ba. La mam sẽn wʋm bõn-kãens la m yãnd-bã, mam wõgemda malɛɛk ning sẽn da wilgd maam bõn-kãensã taoor n na n waoog-a. 9La a yeela maam yaa: Ra saag n maan a woto ye! Mam yaa fo tʋmd-n-taaga, la Wẽnnaam no-rɛɛsdbã sẽn yaa fo ba-biisã tʋmd-n-taaga, la neb nins sẽn sakd seb-kãngã goamã tʋmd-n-taaga. Waoog Wẽnnaam! 10Dẽ poore malɛɛkã yeela maam yaa: Da solg seb-kãngã pĩnd-n-bãngr goamã ye! Bala, b pidsgã wakat kolgame. 11#Dãn 12.10Bɩ ned ning sẽn yaa ka-tɩrlem soab kell n paas a ka-tɩrlmã, tɩ ned ning sẽn yaa tʋʋm-dẽgd soab kell n dẽgem a meng n paase, tɩ ned ning sẽn yaa tɩrg kell n maan tɩrlem n paase, tɩ ned ning sẽn yaa yolgemd kell n yɩ yolgemd n paase! 12#Eza 40.10, 62.11, Yɩɩn 28.4, Eza 40.10, Zer 17.10A Zeezi yeelame: Gese, bilf bal sã n paase, mam na n waame, la mam zãada keoor n watẽ n na n keo ned kam fãa wa sẽn zems a tʋʋmde. 13#Vẽn 1.8, Eza 44.6, 48.12, Vẽn 1.17, 2.8Maam la Alfa la Omega, dẽenem la yaoolem, Sɩngre la Sɛɛbo. 14#Sɩng 2.9, 3.22Bark bee neb nins sẽn pegsd‑b futu, sẽn na n yɩl la b paam noor tɩ rɩ vɩɩm tɩɩgã biisi, la b tũ tẽngã noy n kẽ tẽngã pʋgẽ wã zutu. 15Ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrẽ la sẽn yagd zĩrẽ paada yɩnga, n ka kẽ tẽngã pʋg ye. 16#Eza 11.1,10Maam a Zeezi n tʋm m malɛɛk t'a wa n kɩs yãmb bõn-kãens kaset wẽnd-dotã pʋse. Mam yaa a Davɩɩd tɩ-tobeng la a yagenga, la yibeoog ãd-yãgdga. 17#Eza 55.1Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!
18 #
Tõ 4.2, 13.1 Mam yeta ned ning fãa sẽn wʋmd seb-kãngã bãngr goamã tɩ ned sã n paas bũmb be, Wẽnnaam na n paasa tood nins b sẽn bils seb-kãngã pʋgẽ wã yẽnda sɩbgrã zugu. 19La ned sã n boog bãngr gom-kãensã sebrã goamã, Wẽnnaam na n deega pʋɩɩr ning yẽnda sẽn da na n paam ne vɩɩm tɩɩgã la tẽn-sõngã b sẽn bilg seb-kãngã pʋgẽ wã n bas-a.
20Ned ning sẽn kɩt-a bõn-kãensã kasetã yetame yaa: «N-yẽe, sã n yɩ bilf bala, mam na n waame.»
Ãmina! Zu-soab a Zeezi, wa-y-yã! 21Bɩ Zu-soab a Zeezi barkã zĩnd ne yãmb fãa.
Currently Selected:
Vẽnegre 22: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
