Mi Doagidima 20
20
Bina tudili
1N den laa maleki ke o ñani tanpoli po ki ji, ki pia u kulu yaa sendabiga, ki muubi ti kpaaciandi o nuu nni. 2O den cuo o bonfuodibiado, o waakpelo yeni, lani n tie, ku tuotabigu yudaano Sutaani, ki loli o hali bina tudili po. #Cil 3.1. 3O den luni o u kulu yeni niinni ki luoni bu buliñoabu, ki tabini mi maalima, ke wan da go boandi i nibuoli hali bina tudili yeni n baa pendi. Lani yaa pendi, tiladi, bi go baa lodi o u yogunu waamu po.
4N den laa li bali kalikaani, ke yaaba n kaa i po den baa li bali ki baa jia ti buudi. N go den laa ban jendi yaaba yaa yula yaa naani, kelima Jesu yaa siedi po, U Tienu Maama po, yaaba n kaa den gbaani ki kpiagi ki fuayanga leni ki nannanli, kaa gaa o maalima bi yutuna, yaa ka bi nii po. Bi den guani ki baa li miali ki die leni Kilisiti hali bina tudili. #Dan 7.9,22. 5Line n tie bi tinkpiba fiikpiama. Yaa tinkpiba n sieni wani ki den fii hali bina tudili yeni n baa pendi. 6Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa go pia paalu bi yaa po, ama bi baa yaa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.
Sutaani cuonu maama fuuli
7Bina tudili yeni yaa pendi, bi baa lodi Sutaani wan ña o kpaadidieli nni. 8O baa ña ki boandi i nibuoli, yii n ye hali ki tinga kaannaadi kuli, lani n tie Gogi leni Magogi,#20.8 Diidi Esekieli 38.39. Li maadi Isidayeli yaaba yibalinba, yaaba n ye jienu po, ki yini bi badiyendo Gogi, o diema mo Magogi, yaa maama. U Tienu maama bangikaaba, yaaba n den ye Esekieli puoli po, den maani ki taa laa yela, Gogi leni Magogi, ban maadi yaaba n yie U Tienu leni wan Gandi Yua yaa maama yaa yogunu. ke wan fidi ki taani ba bu toabu po. Bi coali baa yaa tie nani mi ñincianma tanbiima yeni. #Esk 7.2; 38.2,9,15. 9Bi den ñani ki tinga nni kuli ki cua ki baa U Tienu n bua yaa dogu, ki lindi ki cebini bi nigagidiŋanba toanagili leni o dobuadu. Ama u mu den ñani tanpoli po ki buoni ba. #2Bad 1.10-12. 10Bi den luni ku tuotabigu yudaano yua n den boandi ba, u fantankpenu nni, li cidibili n co u mu naani, ki fuayanga leni o saawalipua-faadaano n ye naankani, ke bikuli baa yaa ye leni mi funfunma u yensiinu leni ku ñiagu kuli, hali yaa yogunu kuli.
Ti bujuodikaadi leni bonla kuli pandima
20.11—22.21
Li bujiajuodikaali
11Lani n den laa u bali kalikaanpienciamu leni yua n kaa u po. Ki tinga leni tanpoli kuli den sani ki foagidi o kani, ke baa go laa ba. #Dan 7.9-10. 12N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni. 13Mi ñincianma den cedi ke yaa tinkpiba n ye mi niinni ñani. Mi kuuma leni bi tinkpiba diema moko den cedi ke yaa tinkpiba n ye mi niinni ñani. Bi den jia yuakuli buudi nani o bontienkaala n den tie maama. 14Bi den luni mi kuuma leni bi tinkpiba diema u fantankpenu nni. U fantankpenu yeni n tie mi kuliedima. 15Ban ki den laa yua yaa yeli ke li diani li miali tili nni kuli, bi den luni o u fantankpenu nni. #Ps 69.29.
Currently Selected:
Mi Doagidima 20: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
