Popular Bible Verses from Mi Doagidima 20

Share

Ban ki den laa yua yaa yeli ke li diani li miali tili nni kuli, bi den luni o u fantankpenu nni.

N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni.

Mi ñincianma den cedi ke yaa tinkpiba n ye mi niinni ñani. Mi kuuma leni bi tinkpiba diema moko den cedi ke yaa tinkpiba n ye mi niinni ñani. Bi den jia yuakuli buudi nani o bontienkaala n den tie maama. Bi den luni mi kuuma leni bi tinkpiba diema u fantankpenu nni. U fantankpenu yeni n tie mi kuliedima.

Lani n den laa u bali kalikaanpienciamu leni yua n kaa u po. Ki tinga leni tanpoli kuli den sani ki foagidi o kani, ke baa go laa ba.

Bina tudili yeni yaa pendi, bi baa lodi Sutaani wan ña o kpaadidieli nni. O baa ña ki boandi i nibuoli, yii n ye hali ki tinga kaannaadi kuli, lani n tie Gogi leni Magogi, ke wan fidi ki taani ba bu toabu po. Bi coali baa yaa tie nani mi ñincianma tanbiima yeni.