1 Korenti 13
13
Mi buama
1Ba n yaa bi maadi bi nisaaliba mabuoli
Leni malekinba yaa mabuoli kuli,
Ki naa pia mi buama,
N baa yaa tie nani yaa kudi n mua,
Bi nani ban pua yaa longa yeni.
2Ba n yaa bi baa mi mawangima paabu,
Ki go bandi yaala n duagi kuli,
Ki go baa mi bancianma kuli,
Ba n yaa pia yaa dandanli
N baa fidi ki fuadi a juana,
N yàá pia mi buama,
Mii tie puu.#Mat 17.20; 21.21; Mrk 11.23.
3Ba n yaa bi boagidi n piama kuli
Ki puni a luoda,
Ba n yaa teni n gbanandi ke bi juu u mu,
N yàá pia mi buama,
Li kan todi nni liba.
4Mi buama pia li juunli ki go ŋanbidi.
Mi buama ki pia nunponli.
Maa kpiagidi mi yuli.
Maa gbengidi mi yuli mo.
5Maa pia boandi,
Maa lingi yaala n ŋani mi yuli po bebe,
Maa fiindi mi pali,
Maa kpaagi yaala n bia.
6Maa mangidi mi pali
Leni yaala n ki tiegi,
Ama mi mangidi mi pali
Leni i moamoani.
7Mi buama tiendi sugili
Li bonla kuli po.
Mi buama pia li dandanli leni ti dugidi.
Mi buama pia li juunli li bonla kuli po.
8Mi buama ki pia gbenma.
Mi mawangima baa pendi,
Mi malanma baa gbeni,
Mi bancianma moko baa pendi.
9Moala ti bandi bonjenga bebe,
Ti mawangima moko
Tie bonjenga bebe.
10Ama yaala n tie bonmunli yaa ti cua,
Ki bonjenga baa pendi.
11Min den tie biga yaa yogunu,
N den maadi nani ki biga yeni,
Ki bungi nani ki biga yeni,
Ki go kpaagi nani ki biga yeni.
Ama moala ke n tua joa,
N cedi li bonwaabonla.
12Moala ti laa likuli nani tin nua
Ti nannanli ki madiidiga nni maama,
Ke laa doagidi cain.
Lanyogunu, ti baa le likuli
Ki nunga leni kiyaga.
Moala n bani bonjenga,
Li bonmunli yaa ti cua yaa yogunu,
N baa bandi cain nani U Tienu
N bani nni cain maama.
13Moala, bonlitaa n ye ki kan pendi,
Lani n tie li dandanli,
Mi suginma leni mi buama.
Likuli siiga yaala n cie tie mi buama.
Currently Selected:
1 Korenti 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
