Popular Bible Verses from 1 Korenti 13

Share

Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli. Maa gbengidi mi yuli mo. Maa pia boandi, Maa lingi yaala n ŋani mi yuli po bebe, Maa fiindi mi pali, Maa kpaagi yaala n bia.

Mi buama tiendi sugili Li bonla kuli po. Mi buama pia li dandanli leni ti dugidi. Mi buama pia li juunli li bonla kuli po.

Maa mangidi mi pali Leni yaala n ki tiegi, Ama mi mangidi mi pali Leni i moamoani.

Moala, bonlitaa n ye ki kan pendi, Lani n tie li dandanli, Mi suginma leni mi buama. Likuli siiga yaala n cie tie mi buama.

Mi buama ki pia gbenma. Mi mawangima baa pendi, Mi malanma baa gbeni, Mi bancianma moko baa pendi.

Ba n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa yaa tie nani yaa kudi n mua, Bi nani ban pua yaa longa yeni.

Ba n yaa bi baa mi mawangima paabu, Ki go bandi yaala n duagi kuli, Ki go baa mi bancianma kuli, Ba n yaa pia yaa dandanli N baa fidi ki fuadi a juana, N yàá pia mi buama, Mii tie puu.

Ba n yaa bi boagidi n piama kuli Ki puni a luoda, Ba n yaa teni n gbanandi ke bi juu u mu, N yàá pia mi buama, Li kan todi nni liba.

Min den tie biga yaa yogunu, N den maadi nani ki biga yeni, Ki bungi nani ki biga yeni, Ki go kpaagi nani ki biga yeni. Ama moala ke n tua joa, N cedi li bonwaabonla.