Ɩzayi 41
41
A nɩr ʋl a Sore na ƴãw k'ʋ yi lo a sɔ́r a
1A Sore yere na:
nyɩɩm tẽ-zãánɩ nɩbɛ ɛ,
nyɩ ŋmãa vʋʋrʋ ɛ́ bɛr wõ m.
Nyɩɩm nɩ-bʋʋrɛ za a,
nyɩ lɛb páw fãw-paala.
Nyɩ taw pɩɛlɩ ɛ́ ƴɛ̀r.
Nyɩ ɩ tɩ lãw cen a ƴɛ̀rʋ-dɩb ƴãw.
2Nɩr#41:2 A Pɛrsɩ tẽw nãà Siirisɩ na n'ʋ bɛ yere. Ʋ tɩ zɛb'a de a ten na viiri koli a Mediterane kʋ̃ɔ-kpɛ̃ɛ saa-pɛrɩ́ a, ɛ́ ɩ a Babɩlɔn tẽw fãw baarɩ. A Yeezu Kɩrɩta na bɛ tɩ wa sɛr a yome 540 vuo pʋɔ tɩ n'a. yi na lo a sɔ́r a saa-pɛrɩ́.
Ʋ zɛbr'a tʋ̃ɔ́nɛ zie za ʋ na tɔlɛ a.
Ãa n'ʋ ƴãw ʋ yi lo a sɔ́r?
Ãa n'ʋ ƴãwnɛ a nɩ-bʋʋrɛ a ʋ nuru pʋɔ?
Ãa n'ʋ ɩrɛ k'ʋ sore a na-mɩnɛ?
A ʋ zɛbr-sɔ-kpɛ̃ɛ mɩ́ ɩ na bɛ lɩɛbɩ tã-buulu,
a ʋ pime mɩ́ diw bɛ na yaarɩ
mɛ̃ sɛsɛb na ɓáw sàwr cen nɩ a.
3Ʋ diwr bɛ na, ʋ tɔlɛ nɩ nɩ ƴã-ɓaarʋ,
a ʋ gbɛ́r bɛ tʋɔr tẽw ɛ.
4Ãa n'ʋ ɩ à á ŋá za?
A sob nɛ na mɩ́ ɩ a yele ta
a pɛr-tib daar a n'ʋ.
Mãa n'ʋ, a Sore.
Ɩ̃ ɩ n a niw-diere,
ɛ́ tɩ ta a baarʋ daar a, ɩ̃ ɩ n a Sore.
5A nɩ-bʋʋrɛ na zãá a nyɛ̃ nɩ a yele na ɩ a,
dɛ̃bɩ̃ɛ ɩrɛ bɛ.
A tẽw baarʋ zie nɩbɛ taw na ta ɛ́ màwr.
6Ŋa za sõwne nɩ a ʋ tɔ sob,
kãw yere a ƴen sob: «Ƴãw fãw!»
7A nuru-tõ-tone yere nɩ
a salm-zɩɛ nɩ a salm-pla tõ-tone k'ʋʋ ƴãw fãw.
A sob nɛ na ŋmɩɛr a kure mawlɛ nɩ a 'hama a
yere nɩ a sãa-kpɩɛrɛ k'ʋʋ ƴãw fãw.
Ʋ yere nɩ à ŋá a tɔ̃wfʋ zie ƴãw: «Ʋ vɩɛl'a».
Al pùorí bɛ kpa a tɩɩb nɩ pĩi-bie,
ɩ k'ʋ àr.
Ɩsɩrayɛl i, ta zɔrɛ dɛ̃bɩ̃ɛ ɩ
8Ɛcɛ fʋ̃ʋ a, Ɩsɩrayɛl i, fʋ ɩ n a ɩ̃ tõ-tõ-bie,
Zakɔb i, fʋ ɩ n a nɩ-bʋʋrɛ ɩ̃ na kaa ír a,
a ɩ̃ bá Abraham bʋʋrɛ.
9Ɩ̃ cen nɩ a tẽw baarʋ zie tɩ tɛr fʋ wa n,
ɩ̃ bʋɔlɩ fʋ nɩ a zi-zãánɩ za fʋ na tɩ be a.
Ɩ̃ yel fʋ na: «A ɩ̃ tõ-tõ-bie a, fʋ̃ʋ n'ʋ,
ɩ̃ kaa na ír fʋ, ɩ̃ bɛ jɛ b bɛr ɛ.»
10Ta zɔrɛ dɛ̃bɩ̃ɛ ɩ, ɩ̃ be n a fʋ zie.
Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ.
Bʋ̃ʋ n'ʋ vɛ̃, a fʋ Naaŋmɩn a, mãa n'ʋ.
Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ,
ɩ̃ɩ gùre fʋ na
nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.
11Vĩ nɩ zʋmɛ n'a bɛ na nyɛ̃,
a bɛlɩ dem za na nyɛ̃ nɩ fʋ suur a.
A bɛlɩ dem na na bɔbr fʋ nɔhaarʋ a,
bɛ ta cãà ɩ bom za ɩ, ɛ́ kpi.
12Fʋ na bɔ n a bɛlɩ dem na zɛbr'ɩ fʋ a, ɛ́ kʋ̃ nyɛ̃ bɛ ɩ.
A nɩbɛ na ŋmaarɛ nɩ fʋ a zɛbr a
kʋ̃ cãà ɩ bom za ɩ.
13Bʋ̃ʋ n'ʋ vɛ̃, a mãa Sore a,
ɩ̃ ɩ n a fʋ Naaŋmɩn.
Ɩ̃ nyɔw fʋ nɩ a dʋrʋ nũú.
Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ,
ɩ̃ waar'ɩ a fʋ sõwfʋ.»
Ɩ̃ waar'ɩ a fʋ sõwfʋ
14Ta zɔrɛ dɛ̃bɩ̃ɛ ɩ, Zakɔb i,
fʋ̃ʋ zãzul-cãpile e,
fʋ̃ʋ Ɩsɩrayɛl na cɛ bɛ tɛr fãw a.
A Sore yere na:
Ɩ̃ waar'ɩ a fʋ sõwfʋ.
A sob nɛ na yarɛ dier fʋ a,
mãa n'ʋ, a Ɩsɩrayɛl Naaŋmɩn na ɩ sõw a.
15Ɩ̃ na ɩ na fʋ ɩ ku-jajaa paala,
a nyɩmɛ na kpɛmɛ ɛ́ ɩ cɩlsɩ a.
Fʋ na ƴɛ́r'ɩ a tan ŋmɛr,
ɩ k'a lɩɛbɩ tã-buulu,
ɛ́ ɩ a tãli mɛ̃ a lɛ bɛ na mɩ́ ɩ a mʋ̃ɔ a.
16Fʋ na yɛ́lɩ a na,
a sɛsɛb de cen nɩ,
sɛsɛb-pɩl na yaar a na bɛr a ziir za.
Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ
a Sore ƴãw,
fʋ na nyʋʋr'a, a Ɩsɩrayɛl Naaŋmɩn
na ɩ sõw a ƴãw.
A wɛja-kpalɛ na bul'ɩ mʋ̃ɔ
17A nan dem nɩ a kpɩɛrʋ dem
bɔbr'ɩ kʋ̃ɔ ɛ́ a bɛ ka be ɩ.
A kʋ̃ɔ-nyúur kpɛ bɛ na a kɔkɔr kò.
Ɛcɛ mãa, a Sore, ɩ̃ na sɔw bɛ na,
mãa, a Ɩsɩrayɛl Naaŋmɩn,
ɩ̃ kʋ̃ zawrɩ bɛ bɛr ɛ.
18Ɩ̃ na ɩ na mamɛ kʋ̃ɔ zɔrɛ a tã-kpalɩ zu,
ɛ́ kʋ̃ɔnɩ bule yire a fʋɔlɩ sɔwlɩsɔw.
Ɩ̃ na ɩ na a wɛja-kpalɛ lɩɛbɩ gbãtar,
ɛ́ a tẽsɔw-kõw-welwel lɩɛbɩ bul-nɛ́ɛ zie.
19A wɛja-kpalɛ pʋɔ a,
ɩ̃ na sɛl'ɩ tɩ-pɛ-bʋʋrɛ za,
a bɛrɛ nɩ a pʋrmɛ.
A ziir al kʋ̃ɔ na bɛ ka be a,
ɩ̃ na lãw na ƴãw tɩ-pɛ-bʋʋrɛ dẽdeni.
20Lɛ n'a a nɩbɛ za na nyɛ̃
k'aa Sore n'ʋ maalɩ a yele á ŋá,
k'aa Ɩsɩrayɛl Naaŋmɩn na ɩ sõw a n'ʋ ír a.
A nɩbɛ za na bãwnɩ a na,
bɛ za na cɛlɛ nɩ be ɛ́ bãw a pɛr.
A tɩbɛ bɛ tɛr pɛr ɛ
21A Sore, a Zakɔb nɩ-bʋʋrɛ nãà, yere na:
Nyɩɩm, nɩ-bʋʋr-yoru ŋmɩmɛ ɛ,
nyɩ wa manɩ a nyɩ yel,
nyɩ ƴɛ̀r wul a nyɩ yel-mɩŋa.
22Nyɩ taw ta, ɛ́ de niwn yel kʋ̀ tɩ
a ʋlɩ bom nɛ na na ɩ a!
Bʋ̃ʋ n'ʋ ta baarɩ?
Nyɩ wul tɩ, ɛ́ tɩ na tɩɛr'ʋ na kaa.
Bɩɩ nyɩ yel a nɩdaar yel kʋ̀ tɩ,
ɛ́ tɩ na bãw nɩ a ʋlɩ bom nɛ na na ta a.
23Ãà, nyɩ yel a ʋlɩ bom nɛ na na ɩ a kʋ̀ tɩ.
Lɛ n'a tɩ na bãw kɛ́ nyɩ ɩ n ŋmɩmɛ.
Nyɩ nɩ̃ɛ maalɩ a vla bɩɩ a faa, ʋʋ ɩ pʋrɩ,
kɛ̀ tɩ tʋ̃ɔ́ yuo a mimie,
ɛ́ tɩ za lãw nyɛ̃ ʋ.
24Ɛcɛ nyɩ bɛ ɩ bom za ɩ,
a nyɩ tõ-toni bɛ tɛr pɛr ɛ.
Sob nɛ na kaa ír nyɩ nyɩ ɩ a ʋ ŋmɩmɛ a
ɩrɛ nɩ kɔkɔrʋ mɛ̃ a nyɩɩm a.
25A saa-pɛrɩ́-gʋba-lowr a,
ɩ̃ ƴãw na nɩr yi, ɛ́ ʋlɛ n'ɩ ŋan waar.
A be a mʋ̃tɔ̃w na mɩ́ pur a,
ʋ wõ na bɛ bʋɔlɩ a ʋ yúor#41:25 A Siirisɩ na n'ʋ. Ʋ tɩ zɛb'a de a ten na viiri koli a Mediterane kʋ̃ɔ-kpɛ̃ɛ saa-pɛrɩ́-gʋba-lowr a. A saa-pɛrɩ́-gʋba-lowr ten n'a ʋ tɩ tĩ zɛb de. A ʋ tẽw, a Pɛrsɩ, tɩ be n a Zuda tẽw saa-pɛrɩ́..
Ʋ nɛbr'ɩ a na-kpɛ̃ɛ-lɩɛrbɛ
mɛ̃ mɛ̃mɛrɛ bɛ na mɩ́ nɛbr a,
bɩɩ mɛ̃ yawr-mɩɛrɛ
na nɛbr a yawra nɩ a ʋ gbɛ́ɛ a.
26Ãa n'ʋ yel a yel ŋa a pɛr-tib daar
kɛ́ tɩ bãw ʋ?
Ãa n'ʋ tɩ yel ʋ, ʋʋ bɛ ta sɛr,
kɛ́ tɩ tʋ̃ɔ́ yel: «Yel-mɩŋa n'a!»
Nɩr za bɛ tɩ yel ʋ ɛ,
nɩr za bɛ tɩ háa nʋɔr a ʋ ƴãw ɛ,
nɩr za bɛ tɩ wõ nyɩ ƴɛ̀r ɛ.
27A mãa Sore n'ɩ a dãw-niwn sob
na yel kʋ̀ a Zerizalɛm a.
Bʋ̃ʋ n'ʋ vɛ̃, ɩ̃ tõ n yel-nʋ̃ɔ̀ yere a Sɩyɔ̃.
28Ɩ̃ jɩ́r'ɩ vla vla: ɩ̃ bɛ nyɛ̃ nɩr za ɩ.
A nɩ-bʋʋr-yoru ŋmɩmɛ pʋɔ a,
kãw za bɛ tɛr ƴɛ̀rʋ ɛ!
Nɩr bɛ be be na wul yã ɩ,
nɩr na na tʋ̃ɔ́ sɔw mɛ̃ a!
29A za bɛ ɩ bom za ɩ, bɛ ɩrɛ bom za ɩ.
A dasuli bɩɩ? Sɛsɛb, zi-vuo!
Currently Selected:
Ɩzayi 41: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
