Urambuyo lwa Yohane 2
2
1Mwisi ulya wa siṛi ikee Efeso ntisiṛie: A fi firero anrera ito awore nyinyiri mfungare ukoń lwamwi usha, ni ulya akee iṛua kari ka taa tilya mfungare ta saabu. Nafo mfo ifi: 2Niishi mitanie yafo na ngatara tafo na isisiria lyafo na sheeli kitaare kumakii iliana na vandu vakasha. Lingi kwameelelia valya vakee ikuvaanga varumi, nawo nta vvarumi ndi, kwavalolia sheeli wa wongo. 3Lingi kundekukaarisa na iva na isisiria na kiimba kyakwa kwakwatara nta yaaraa. 4Kake nkee ikwikimba, fulya kunderea ikunda lyafo kundebooka nalyo. 5Kyasia kumbua kulya kundewa, kwakurra kwatana lingi mitanie ilya ya mbele. Kake kwalea itana kuro, nshaa kwafo ree nuute taa yafo andu ayo, kwakooya kutakurraa. 6Kake kuwore kirero ki sheeli kusule mitanie ya Vanikolai, yyo na akwaa nniń nsule. 7Ulya awore marwi aaranye kilya Mumuyo akee iia siṛi ti: Ulya avingaa, ninniingaa nunda ta nri wa muu ukee ifo Paradiso ya Iṛuva.
8Na mwisi ulya wa siṛi ikee Simirina ntisiṛie: A fi firero arera ito akee wa ibooka na wa ifurumia, ni ito eekee mfu kawara lingi muu. Nafo mfo ifi: 9Niishi mavaviso afo na ukiva lwafo, kake kukee muni usimba. Niishi sheeli kukee irumwarumwa ni iwo vakee ikuvaanga Vayuda, nawo vatakee Vayuda, kake vakee siṛi ya Satana. 10Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu. 11Ulya awore marwi aaranye kilya Mumuyo akee iia siṛi ti: Ulya avingaa akooywaa nngatara ta ufu lwa kavili ndi.
12Na mwisi ulya wa siṛi ikee Perigamo ntisiṛie: A fi firero ito arera awore shombo ilya shooi kuvili. Nafo mfo ifi: 13Niishi alya kukaa, ni io kifumbi kya Satana kikai. Nawe kukuwore nnu na irina lyakwa ana nta kundekana ikusura lya ishikusura niń ndi na akwaa nkyeeri kilya kya nrambua wakwa nsumani Antipa ulya andewaywa ifo kwanu ifo Satana awore kivasha kyamwi. 14Kake fiifo findo kiindi kwafo fitashisenye, fulya kuwore vandu vakee kwanu vawore miloshie ya Bileamu ulya andelosha Balaki atevete vana va Isiraeli eevaloshaa ilya nyama shirasie maṛuva a wongo na itana waaisi. 15Mfo kuro nawe kuwore vandu vawore miloshie ya Vanikolai. 16Alli aṛuka! Kwalea yaṛuka nshaa ree wakabe na shombo yukie kaniń kakwa. 17Ulya awore marwi aaranye kilya Mumuyo akee iia siṛi ti: Ulya avingaa mmwaviaa Mana ilya ifisie, ninniinge na iwe yeelwa na ifo iweń ilyo liifo irina litisiṛio-fo iiya litaishiwa ni nndu kitaare ni ulya da alikooyaa.
18Na mwisi ulya wa siṛi ikee Tiatira ntisiṛie: A fi firero Mwana wa Iṛuva afirera awore miso akee sha kibalabala kya muro na marende amwi avakani na minya ya arera ikee shisokue nnu. Nafo mfo ifi: 19Niishi mitanie yafo ya ikunda lyafo na ikusura na miṛundie na isisiria lyafo. Lingi niishi sheeli mitanie yafo ya ifurumia yankilia ilya ya mbele. 20Kake lwifo wikimbi lwa ikwikimba, fulya nta kutakee ilea nka to Isebeli ito akusendaa sheeli mmwauya eeloshaa vandu kateveta maketi akwa vatane waaisi, lingi valye nyama shirasie maṛuva a wongo. 21Nammuniinga mwaanya wa iilashika, kake afurie iilashika na itia waaisi ndi. 22Lla nillwesaa na iwo vakee yaaika nae vakooye mavaviso manini, kwakooya vatailashikaa mitanie yawo. 23Na vana vamwi iwaa wawaa. Na siṛi toose timanyaa sheeli nniń musaṛaana fio na ngoo. Nań naaviaa nndu woose wanu kisumani na mitanie yamwi. 24Kake ini vengi mukee ifo Tiatira mutakuwore na miloshie yo, mutamanya fiṛisi fa Satana, sheeli wo vakee inumbua, nta mmwekeṛiaa mwaanda ungi ndi. 25Kake kilya mukee nakyo wareń nnu kumande nshaa. 26Na ulya avingaa kava mulla mitanie yakwa kumande ifurumia ninniingaa miitoṛio ya iitoṛio vaya vaṛumu. 27Nae avaisaa na mbiiri ya minya avafukyefukye sheeli vakee nungu ta uteri, sheeli nań nndeniingwa finya ii ni Nde yakwa. 28Nań ninniingaa nyinyiri ilya ya ngama. 29Ulya awore marwi aaranye kirero ki Mumuyo akee iia siṛi ti.
Currently Selected:
Urambuyo lwa Yohane 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
