Popular Bible Verses from Urambuyo lwa Yohane 2

Share

Kake nkee ikwikimba, fulya kunderea ikunda lyafo kundebooka nalyo.

Kyasia kumbua kulya kundewa, kwakurra kwatana lingi mitanie ilya ya mbele. Kake kwalea itana kuro, nshaa kwafo ree nuute taa yafo andu ayo, kwakooya kutakurraa.

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Ulya awore marwi aaranye kilya Mumuyo akee iia siṛi ti: Ulya avingaa, ninniingaa nunda ta nri wa muu ukee ifo Paradiso ya Iṛuva.

Niishi mitanie yafo na ngatara tafo na isisiria lyafo na sheeli kitaare kumakii iliana na vandu vakasha. Lingi kwameelelia valya vakee ikuvaanga varumi, nawo nta vvarumi ndi, kwavalolia sheeli wa wongo.

Lingi kundekukaarisa na iva na isisiria na kiimba kyakwa kwakwatara nta yaaraa.

Ulya awore marwi aaranye kilya Mumuyo akee iia siṛi ti: Ulya avingaa mmwaviaa Mana ilya ifisie, ninniinge na iwe yeelwa na ifo iweń ilyo liifo irina litisiṛio-fo iiya litaishiwa ni nndu kitaare ni ulya da alikooyaa.