Barua ya Vakorinto ya kavili 4
4
1Kiimba kya iki ili tanningwa uṛundi ilu kwa ililia lya Iṛuva, taaraa ndi. 2Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva. 3Kake kwakooya nrumi ilya yeru ya ifura ikufisie, ikufisie kwa valya vakee va ureti. 4Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva. 5Amu ise tikee ikukwanisia ti veni ndi, kake tikee ikwanisa sheeli Kristo Yesu ni Nndumi, neese tikee maketi anu kiimba kya Yesu. 6Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.
7Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi. 8Taari toose tikee ituṛulwa, kake tikee ilemwa ndi, tikee iliswa ukiva, kake titaṛaakaa ndi, tikee yumbutwa, kake titio̱o̱ ti veni ndi. 9Tikee ikumbwa si, kake tirekaa ndi. 10Taari toose tikee iira tirie ufu lwa Yesu miviliń yeru, naamu muu wa Yesu nato ulolikie miviliń yeru. 11Amu ise tikee va Yesu tikee iniingio̱ nkonu woose tifwe kiimba kya Yesu, amu na muu wa Yesu ulolikie miviliń yeru ya ufu. 12Kyasia kilya kikuworie neese kya iṛunda ni ufu, kake kilya kikuworie neeni kya iṛunda mmuu. 13Kake ili toore mumuyo ulya wa ikusura Iṛuva, kikee ifika kirekio kilya kyatisiṛwa sheeli: ”Nakusura, na kiimba kya ikyo narera“, na akwaa ni ise tikusurie na kiimba kya ikyo tikee irera. 14Amu tiishi sheeli ulya andeṛuta Nndumi Yesu atiṛutaa neese andu emwi na Yesu na itikaarisa andu emwi neeni. 15Amu ifi foose nkwa kiimba kyanu, amu ililio̱ lyo likameengeṛio̱ nnu kwa iwo vakee veengi liingifise yaana na Iṛuva eetikiswa. 16Kiimba kya iki tilemwaa ndi, amu kwakooya mivili yeru ikashaa, mirima yeru yo yaṛulwaa miiya nkonu woose. 17Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando. 18Manya titave vandu vallaa ifi filolio̱ na miso da, kake tille filya fitandelolio̱! Amu ifi filolio̱ fikaa mikonu myaangu da, kake filya fitandelolio̱ fikaa marika na marika.
Currently Selected:
Barua ya Vakorinto ya kavili 4: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
