Popular Bible Verses from Barua ya Vakorinto ya kavili 4

Share

Manya titave vandu vallaa ifi filolio̱ na miso da, kake tille filya fitandelolio̱! Amu ifi filolio̱ fikaa mikonu myaangu da, kake filya fitandelolio̱ fikaa marika na marika.

Kiimba kya iki tilemwaa ndi, amu kwakooya mivili yeru ikashaa, mirima yeru yo yaṛulwaa miiya nkonu woose. Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

Taari toose tikee ituṛulwa, kake tikee ilemwa ndi, tikee iliswa ukiva, kake titaṛaakaa ndi, tikee yumbutwa, kake titio̱o̱ ti veni ndi. Tikee ikumbwa si, kake tirekaa ndi.

Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi.

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.