Barua ya Vakorinto ya kavili 5
5
1Amu tiishi ili numba ii yeru ikai kunu isangeń — yyo mivili yeru — iburulwaa, tikooyaa kirembo kisongosie ni Iṛuva, nkirembo kitaare kyasongosio̱ mmaako a vandu. Kikaa miṛeṛe na miṛeṛe ifo iṛuvewu. 2Iki nkyo kikee itiniinga kinangananga tikalanga ivikwa isaṛa lingi, mfo firembo feru fa iṛuvewu. 3Amu tikammaa ivikwa tikilolikaa sheeli tikee kya ruu ndi. 4Amu ise ili tikee kunu numba ii ya wili, tikee idia kiimba kya yeemio̱, fulya titafurie yutwa isaṛa, kake tifurie ivikwa, amu kilya kya mikae ya ifwa kimiṛwa nkya mikae ya muu. 5Amu uu andetisongosia iki ni Iṛuva uu antiniinga Mumuyo ave nrendekye weru. 6Kwa ikyo tikee vaami mikonu yoose tiimanyaa sheeli kyeeri tikee na mivili ii yeru kyeń kweru kukee kwaasha na kyeń kwa Nndumi. 7Amu kindo kitirie ni ikusura, ni ilolia ndi. 8Kake ngoo teru toore ifura tikalanga kya mmwasi ilakana na vvili na indekaa alya Nndumi akai. 9Kwa ikyo tikee ikutomarisa tinsenye ye, ifo tikooya tikee na fa mivili ana ifo tikooya tallakana nafo. 10Amu ise ti woose kyatiwara timanyike mbele ya kifumbi kya uumisio lwa Kristo, amu nndu woose atawa kilya andetana lia akee na vvili, akwaa fikee fisha ana akwaa fikee fikasha.
11Kyasia tikammanya yeṛea Nndumi, tikee yomua vandu, kake tikee irambulwa mbele ya Iṛuva. Nań nkusurie sheeli neese tanrambulwa ifo mirimiń yanu kuro da. 12Amu nta tikee ikushomba lingi mbele yanu ndi, kake tikee imuniinga kiteveto kya ikushomba kiimba kyeru, amu mukooye iva nakyo mbele ya valya vakee ikushomba kya mboni ta wooṛo da, ana kitaare nkiimba kya mboni ta mirima. 13Amu kwakooya ngyuṛango teru tava ”sha uketo“, nkwa kiimba kya Iṛuva, ana kwakooya ”ngyuṛango teru tiishule“, nkwa kiimba kyanu amu mukooye mboṛa. 14Amu ikunda lya Kristo likee itiitika ise tikakusaṛa kuro: Umwi andefwa kiimba kya woose, kwa ikyo woose vammaa ifwa. 15Nae afwe kiimba kya woose, amu valya vakee na muu vatakaa na muu kiimba kyawo wo veni, kake nkiimba kya ulya andefwa kaṛutwa kiimba kyawo. 16Kiimba kya iki kuuka alli ise nta nndu tikimwishi kwa mikae ya kiwili ndi. Na akwaa tammanya Kristo kwa mikae ya kiwili, kake alli tikimwishi kwa mikae ya kivvili lingi kuri ndi. 17Kiimba kya iki nndu kankaa na Kristo avva nndu mwiya. Famwi fa mbele famiira, lla te foose favva fiiya. 18Kake ifi foose fuukie kwa Iṛuva uu andetiitanisa nae ye muni, ili Kristo antivia ntaua, katiniingia uṛundi lwa ikwanisa witanu lu. 19Fulya Iṛuva eekee na Kristo kaitanisa va isangeń nae ye muni, nta ivataalia mareko awo. Nae karwaa kirero kya witanu kari keru. 20Kyasia ise tikee varumi va ivaangia vandu Kristo, nkimwi sheeli Iṛuva ye muni akee ivaikimba kwa kana keru tiireraa: Tamutereva ini na Kristo: Mwitaniswa na Iṛuva! 21Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.
Currently Selected:
Barua ya Vakorinto ya kavili 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
