Loma 15
15
1Neke unefwe, je tusilemwa, patuhwanile pakuvakogosa avilemwa pavutenda, tutane ukwijengusa twijena. 14, 1.
2Twivonda unefwe tumwijenguhidzage umujisu ululungamye kunofu, ukuta adzengwage, 1. Kol. 9, 19; 10, 24. 33.
3pakuva na ju Kilisiti nave asijengusaga mwene, hamu umwene agendelaga ndeve lolilwe ulwitigila: „amadusi gavańa-kukuduka uveve, ge gangwilye unene.“
4Ndivwene dzonda idzandikwe idâha, dzandikilwe ukuta mwe lutemelage uluhala unefwe, ukuta nulwigugumidzo nuluńamadzo lwa muhâte fituhulilage uluhuvilo. 4, 23. 24; 1. Kol. 10, 11.
5Neke Nguluvi, umwene je ipēla nulwigugumidzo nuluńamadzo, je avapēlage nulwa kuta muhodzage lumwinga mulugendelage lu lwa Jesu Kilisiti. Fil. 3, 16.
6Pakuta mwivonda muvedzage mutima gumwinga hela pakumulumba Nguluvi, udadye va mutwa vesu Jesu Kilisiti.
7Kye ndilesile nigilage: mwijanukililage mwivonda, ndeve najuńe avanukye Kilisiti, ululungamye kundolo dza Nguluvi.
8Ndivwene nditigila: Jesu Kilisiti adzukile mulimilavangi va vusinge, ukuta idza ndakyene dza Nguluvi dzibihile ukugwa pasi, ukuta adzikangadzage ińuvidzo, dze avahuvidze avakatali. Mat. 15, 24; Apos. 3, 25.
9Neke avapivala avo vakumulumba Nguluvi vwimila palupyana, ndeve lolilwe ulwa kuta: „Kye ndilesile ndikulumbilage na muvapivala, na li litavwa lyako ndilihejage.“ 11, 30.
10Kangi ilonga itigila: „ńe vapivala mukelanile pamwi navanu vakwe.“
11Kangi itigila: „mumulumbage umutwa mwivonda, ńe vapivala, fimuginyage ifipelela fyonda.“
12Kangi Jisaja ilonga itigila: „kalavedza pokali akalembwâna, akamelile pidela lya Jisaji, alavedza pwali, je alalamuka ukudzuka mutwa va vapivala, je valamuhuvila avapivala.“ Luv. 5, 5.
13Neke lino Nguluvi umuhula-luhuvidzo je avamemehedzage nuluhekelo londa nulutengamano, uluhuma mulufuvo, pakuta ingufu dza Mubepo umwîmike dzivahulilage ukuta mumotage hela uluhuvilo.
14Neke ndivadzelye najunene uńeńe, ńe vańa-lukolo, ukuta mumemile uvuńa-mutimamwêlu nukudzikagula mudzikagwe dzonda mbando, lusiva-lemile nambi nulwa kuvavulanidza avangi.
15Nditibike ndińagwe hela pakuvandikila, ngatigye ndivakumbusage hela, pakuva lukusuṅa ulusungu, lwe amelye Nguluvi, 1, 5; 12, 3.
16ulwatigilaga ndivedzage ndili mundzagila va Jesu Kilisiti, uva kuhelela kuva-pivala neke ndivedzage mutekedzi va lyevangeli lya Nguluvi, ukuta avapivala vavedzage vusembe uvuvogodza-singo kwa Nguluvi, vwe avwelulidze u-Mubepo umwîmike. 11, 13; Fil. 2, 17.
17Neke lino unene nditigila ndili nadzo dzimwi idza kwiginikila mwa Kilisiti Jesu, idzilungamye kwa Nguluvi.
18Ndivwene unene ndi-silitibika ponu pakudzi-longa idzingi, dze asadzi-gimbaga Kilisiti apangu, idzakuvahulila ukukunda avapivala, dze ndilimila na mumadzwi na muvugifi 1, 6; 2. Kol. 3, 5.
19na mungufu dza filŏle nidza mituna mungufu dza Mubepo umwîmike; ndilyapwe hela pakulilonga ilyevangeli lya Kilisiti ndilihumile nalyo mu-Jelusaleme ndigombile ukufika nalyo mw-Ililiki, Mal. 16, 17.
20neke ndikileta umufulo ugwa kulidalikila ilyevangeli, pe asina atambulwa Kilisiti, pakuta nditane ukuhomela pakudzenga ponu pe valile avangi uvwalo. 2. Kol. 10, 15. 16.
21Hamu unene ndigendela ulolilwe ulwitigila: „umwene vikumuvona, avasivulilwe ponuinôngwa dzakwe, inôngwa dzakwe vikudzifika, avasina vadzipulika ponu.“
22Dze dzene idzimilwise kavili-kavili, pe ndaganaga ndadze ukweńo uko. 1, 13.
23Neke lino ndiladza, ndilava ndihelela ku-Sipanija, pakuva padugile mu-ńi idza kuno idzi, pakuva nukudoboka nako ndidoboka ukwadza ukweńo uko ndihumile patali imyâka imyolofu. 1, 10. 11.
24Ndivwene ndihuvila ukuta ndigendela ndiku-valola uńeńe, pe ndidzu-mbanidza, ndihuvila nukuta uńeńe muladzikusindika kuko, pe tusukanilwe padebe. 1. Kol. 16, 6.
25Neke lino tândi ndi-helela mu-Jelusaleme, ndińamwe ifya kudzivapela avîmike. Apos. 18, 21; 19, 21; 20, 22.
26Ndivwene na vamu-Makedonija na va mw-Asija vakelye hela pakutavula ifilundaswa, ifya kuvapēla avîmike avahangala va mu-Jelusaleme. 1. Kol. 16, 1; 2. Kol. 8, 1-4; 9, 2. 12.
27Ndivwene vakelye pakutavula, neke nukuva vańa-kudzigilwa kuvala vańa-kudzigilwa, ndivwene ngana avapivala vihanga amapweîa ga pa-Mubepo navala, apo fivagye fivedzage ngita fya midzigilo navo ifya pamuvili fya kudzikuvapela vala. 9, 4; 1. Kol. 9, 11.
28Neke lino, pe ndidzikulumalile ulu, pe ndidzivedza ndifundilye nikifundililo uluvelike ulu, apo ndilagendela umweńo mumo ukuhelela ku-Sipanija.
29Neke lino ndiludzelye unene ukuta ndilava ndifika ukweńo uko, apo ndilavaletela umuseleleko gwa lufuńo lwa Kilisiti. 1, 11.
30Neke lino, ńe vańa-lukolo, ndidedevela na mwa mutwa vesu Jesu Kilisiti na muvwênde, vwe ihula u-Mubepo, nditigila: munengelage najuńe, pe mukundapangilila kwa Nguluvi, 2. Kol. 1, 11; Fil. 1, 27; 2. Tes. 3, 1.
31ukuta ndipokwage unene kuvańa-kupunya, avagenda mu-Judaja, nukuta uvulimilavangi, vwe nditegwe unene mu-Jelusaleme, vudzukage vunofu na kuvîmike,
32pakutigila ndali ndadzage ukweńo kitendileme hela, ngana akelye Nguluvi, twali tuhange nańe ukusukwana.
33Neke lino u-Nguluvi uva lutengamaso avedzage nańe mwivonda. Amene. 16, 20.
Currently Selected:
Loma 15: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
