Loma 16

1Neke lino unene nditigila: mumukogosage umuhadzavisu Fobe, umulimilavangi umudala mulukombeso lwa mu-Kengeleja,

2nditigila: mumwanu-kililage vunofu ulwa mutwa, ndeve luvavagye avîmike, mumutangilidzage londa, lwe muvwene agulwime, ndivwene na ju mwene nave akikuvatanga avolofu, najune ṅani.

3Mumuhungilage na Pilisika na Akwila, ve tulimanye nani mwa Jesu Kilisiti. Apos. 18, 2. 26.

4Avene avo vandzambye isingo unene pakunanga umutima gwangu, ulo ndi-kuvahongedza najune, dzi-hongedza niṅombeso dzonda dza vapivala,

5Muluhungilage ulukombeso, ulwilundana muńumba dzanavo; mumu-hungilage Epeneti, umwênde vangu, umulongodzi pakumufuvwa Kilisiti mw-Asija; 1. Kol. 16, 19. 15.

6mumuhungilage u-Malija, je avapifukilaga mbando pakuvalimila uńeńe;

7muvahungilage na Andoloniki na Junija, je tuli kipelela kimwinga najune, avakunge vajangu, vatambulike na kuv-Apositili, valongwe nukwangu ukuva mwa Kilisiti; 2. Kol. 8, 23.

8mumuhungilage Amupilyata, je tudzelanye mwa mutwa;

9mumuhungilage na Ulubana, je twalimanye mwa Kilisiti, na ju Sitaka, umwênde vangu;

10mumuhungilage nu-Apele, umukalagafu mwa Kilisiti, muvahungilage navakina-Alisitobulu;

11mumuhungilage u-Helodijo, je tuli kipelela kimwinga nani; muvahungilage vonda navakina-Nalakisi, avadzukile vakina-mutwa;

12muvahungilage na Tifena na Tilifosa, avigimba amalimo ga mutwa; mumuhungilage na Pelesi, umwênde, nave je agimbaga amalimo ga mutwa;

13mumuhungilage na Lufu, umuhagulwa va mutwa na ju ṅina, nigilage jûva najune; Mal. 15, 21.

14muvahungilage na va-Asikiliti na Felego na Heleme na Patoloko na Helema navańa-ṅolo, avagenda mumo;

15muvahungilage na va-Filologo na Julija va-Nele na ju muhadzave na Olipa navîmike vonda, avivujila mumo;

16mwihungilage najuńe neke mwinonele ulwîmike. Dzikuvahungila uńeńe iṅombeso ikilisiti dzonda. 1. Kol. 16, 20.

17Neke lino unene ndikuvapava, ńe vane, nditigila: muvakagulage, avakuvahomasa navakuva-mbudza, avasigendela munôngwa, dze mwaluvulaga. Mat. 7, 15; Tit. 3, 10.

18Ndivwene avanu avo vasikumulimila Kilisiti, umutwa vesu, hâ nda, vi-limila indzala janavo neke, pakuva vilonga amadzwi agakwikundilidza amalele, vikudzidzanga inumbula ingaja-lunu. Fil. 3, 19; Kol. 2, 4.

19Ndivwene uńeńe ukukunda kupulise kuvonda neke uńeńe ndikuvakela najune ulu, neke nditigila: kunofu muvedzage mwi vańa-luhala, kumbîfu muvedzage vagajalunu. 1, 8; 1. Kol. 14, 20.

20Neke umwene Nguluvi, umuhula-lutengamaso, pasilavedza luhavi pakumubadzulasa u-Setano, ukuta avedze mumagulu geńo pasi. Ulusungu hva Jesu, umutwa vesu, luvedzage nańe. 15, 33.

21Vakuvahungila uńeńe ava-Timote, je ndilima nave, na Luki na Jasono na Sosipatele, ve tuli kipelela kimwinga najune. Apos. 16, 1. 2; 19, 22; 20, 4; Fil. 2, 19.

22Najune, nde Teliti, je ndandike ihâte iji, ndikuvahungilila mwa mutwa.

23Na ju Gaja, je atugonike muńumba jakwe twivonda najune nulukombeso londa, nave akuvahungila. Ikuvahungila na ju Elasiti, umulinda-lupija lwa kâja iji, ikuvahungila na Kwaliti, umuńa-lukolo mujesu. 1. Kol. 1, 14; Apos. 19, 22.

[24Ulusungu lwa mutwa visu Jesu Kilisiti luvedzage najuńe mwivonda.]

25Neke umwene Nguluvi, je asilemwa ukuva-kangadza uńeńe vugendela palyevangeli lyangu, vugendela na pandzanga dza Jesu Kilisiti, vugendela na paluvilatulilo lwa dza ndzeveledza, idzajigalye imihagulile gya myâka, Ef. 1, 9; 3, 5. 9.

26neke idzisīkulilwe lino hela, idzisīkukye muhâte dza vavidzi na mukweluka kwa mutwa visu Jesu Kilisiti, dze alagye Nguluvi, umugaja-kwamulwa, atigye dzipulisage kuvanu vonda neke dzihulage ukukunda kulufuvo, 2. Tim. 1, 10; Lom. 1, 5.

27ju Nguluvi jujo, je ali muńa-luhala mwene, je mwene tumuta vulilage indolo vugenda pa-Jesu Kilisiti ukufika kumihagulile gya myâka. Amene. 1. Tim. 1, 17; Jud. 25.

Currently Selected:

Loma 16: II

Highlight

Copy