Popular Bible Verses from Loma 15

Share

Neke lino Nguluvi umuhula-luhuvidzo je avamemehedzage nuluhekelo londa nulutengamano, uluhuma mulufuvo, pakuta ingufu dza Mubepo umwîmike dzivahulilage ukuta mumotage hela uluhuvilo.

Ndivwene dzonda idzandikwe idâha, dzandikilwe ukuta mwe lutemelage uluhala unefwe, ukuta nulwigugumidzo nuluńamadzo lwa muhâte fituhulilage uluhuvilo.

Neke Nguluvi, umwene je ipēla nulwigugumidzo nuluńamadzo, je avapēlage nulwa kuta muhodzage lumwinga mulugendelage lu lwa Jesu Kilisiti. Pakuta mwivonda muvedzage mutima gumwinga hela pakumulumba Nguluvi, udadye va mutwa vesu Jesu Kilisiti.

Kye ndilesile nigilage: mwijanukililage mwivonda, ndeve najuńe avanukye Kilisiti, ululungamye kundolo dza Nguluvi.

Twivonda unefwe tumwijenguhidzage umujisu ululungamye kunofu, ukuta adzengwage