1 Johana 3
3
1Mulolage uvwênde pavukomi, vwe atupelye udadisu, vwe atigye tutambulwage uvwâna kwa Nguluvi; neke twivelye twi vâna. Kye jilesile jitane ukutukagula ińi unefwe, pakuva jisimukagwe umwene. Joh. 1, 12. 13; 16, 3
2Ńe vênd’ańe, lino twivelye tuli vâna va Nguluvi, neke idzene dzave ukusikuka, dze tuladzuka tuve; tudzelye ukuta alava isikuka, apo tulavedza mulingo numwene. Lom. 8, 17; Kol. 3, 4.
3Neke lino vonda, avi nalo uluhuvilo ulu vwimila pamwene, avo vivedza vadzila-lupamidzo, ndeve mudzila-lupamidzo na ju mwene.
4Avigendela ulwa ndzanangifu, avo vigendela nulwa lupunyo neke indzanangifu lwe lupunyo lulo.
5Neke muludzelye ukuta jula asikukye lu hva kuta adzihedze indzánangifu neke umwakwe indzanangifu mwe hela. 1. Pet. 2, 24.
6Neke vonda, avikwikala umwakwe, vasihoka; vonda avihoka, vasimuvwene ponu nukumukagula vasimukagwe. Lom. 6, 14.
7Ńe fyaly’ańe, atane ukuvakofya jungi; je ilima uvugolofu, je mugolofu jujo, ndeve mugolofu na ju mwene. 2, 29.
8Neke je ikwangula uvuhosi, ujo va kwa muhēsi, pakuva umwene umuhēsi ahumile pavutalilo pakuhoka. Lwe lwene lwe asikukye umuswa muve va Nguluvi, pakuta aganangage amalimo ga muhēsi. Joh. 8, 44.
9Ju j’avedzaga, je aholilwe kwa Nguluvi, ujo asikwangula uvuhosi, pakuva imbeju jakwe jikwikala umwakwe neke ilemwa nukwangula, paku va aholilwe kwa Nguluvi. v. 6; 5, 18.
10Mwe mwene mwe visikukila navâna va Nguluvi navâna va muhēsi. Ju j’avedzaga, je asilima uvugolofu, ujo asihumile kwa Nguluvi, na je asikumwenda umuńa-lukolo vakwe.
11Pakuva dze ngotolwa, dze mupulike ukuhuma pavutalilo idzitigila: muvedzage kińa-vwijende. Joh. 13, 34.
12Tutane ukutegana nu-Kajini, je ahumile kwa muhaluka, je amukomile umunuṅuve. Neke ukumukoma amukomye nôngwa jiki? Pakuva agakwe amalimo gali mahaluka neke aga munuṅuve gali magolofu.
13Mutane ukudzuma, ńe vańa-lukoîw’ańe, ngana jikuvasūla ińi. Mat. 5, 11; Joh. 15, 18, 19.
14Unefwe tudzelye ukuta tuhumile kuvufwe tudzumbanihidze kuvûmi, pakuva tukuvenda avańaîukolo. Neke je asikumwenda, ujo ikwikala muvufwe. 2, 11; Joh. 5, 24.
15Ju j’avedzaga je akumusūla umuńa-lukolo vakwe, ujo muvulagavanu neke mudzelye ukuta umuvulagavanu ju j’avedzaga asili navo uvûmi uvusihagikwa uvwikalile umwakwe. Mat. 5, 21. 22.
16Mwe mwene mwe tuvukagulye uvwênde vwakwe, mwe atutagye unefwe uvûmi vwakwe jula. Neke najufwe lutuhwanile pakuvatagila avańalukolo uvûmi vwesu. Joh. 15, 13.
17Neke ngana jumwi i nafyo ifya kuponela ifya kwen’eńi neke amuvonage umuńa-lukolo vakwe agulwime neke adindage inumbula jakwe jibihile kwa jula, apo uvwênde vwa Nguluvi vukwikala kwi mwa uju? 4, 20.
18Ńe fyaly’ańe, tutane ukwendanila li lidzwi lyene nululimi lwene, hamu twendanile ulwa vugifi nulwa koluli. Jak. 1, 22; 2, 15. 16.
19Mwe mwene mwe tulakagulila-mo ukuta tuhumile mu dza ndakyene neke nukuta inumbuía jesu tulajiginalidza kumîho ukwakwe,
20pakuva inumbula jesu nde jitigilage dzitugomile jufwe, pakuva Nguluvi alutye uvuvina kunumbula jesu neke afikagwe fyonda.
21Ńe vend’ańe, ngana inumbula jisitigila dzitugomile unefwe, apo tulahegēlelela kyedzamutima kwa Nguluvi, Lom. 5, 1. 2; Heb. 4, 16.
22neke na fye twińilikila ukwakwe, tulanukila ukwakwe, pakuva amakūle gakwe tukugagendela nukulima twilima lu lwe akelye ju mwene. Mal. 11, 24.
23Neke ilikūle lyakwe litigila: tulifuvwage ilitavwa lya muswamuve Jesu Kilisiti neke tuvedzage kińa-vwijende, ndeve atupelye li likūle. Joh. 6, 29; 15, 17.
24Neke umuńa-kugagendela amakūle gakwe, ujo je ikwikala mwa mwene na ju mwene nave ikwikala mu mwakwe. Neke mwe mwene mwe tukulukagulila - mo, ukuta ikwikala umwesu, mu mwa Mubepo, je atupelye ju mwene. 4, 13; Lom. 8, 9.
Currently Selected:
1 Johana 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
