1 Johana 2
2
1Ne fyali fyangw’ańe, ndikuvandikila idzi, pakuta mutane ukuhoka inôngwa, neke nd’avedzage ahokile inôngwa jumwinga, apo ve tuli nave umutanganidzi kwa dadisu, Jesu Kilisiti umugolofu. Lom. 8, 34; Heb. 7, 25.
2Neke umwene je muńa-kulekēlula indzanangifu dzesu, neke asilekēlula dzi dzesu dzene, hamu ilekēlula dza ńi jonda. Kol. 1, 20.
3Mwe tukwikagulila unefwe, ukuta tumukagwe umwene, ngana tukugagendela amakūle gakwe.
4Neke je itigila ndimukagwe umwene, kuno asikugagendela amakūle gakwe, ujo je mudesi neke idza ndakyene sidzi podzili umwakwe.
5Neke umuńa kuligendela ilidzwi lyakwe, apo ujo ndakyene uvwênde vwa Nguluvi vupedzidze umwakwe. Mwe mwene mwe tukwikagulila ukuva umwakwe unefwe. Joh. 14, 21. 23.
6Neke umuńa-kutigila ndikwikala mu mwakwe jujo, apo lumuhwanile pakugigendela imigendele gyakwe, mwe agendelaga na ju mwene. Joh. 13, 15.
7Ńe vênd’ańe, sindikuvandikila ilikūle ilyadzalino, hamu ndikuvandikilailikūle iligona, lye mwali nalyo pavutalilo neke ilyene ilikule iligona lye lidzwi, lye mwapulike. Joh. 13, 34.
8Kangi ndikuvandikila ilikūle ilyadzalino, ilili lya koluli na mu mwakwe na mu mweńo, pakuva ikîsi kijagile neke lwivala ulumuli lwa ndakyene lino. Lom. 13, 12.
9Je itigila aíi mulumuli, kuno akumusula umuńalukolo vakwe, ujo ave ali mukîsi nalino. 4, 20.
10Je akumwenda umuńa-lukolo vakwe, ujo je ivujila mulumuli neke ulwambudzo umwakwe si poluli.
11Neke je akumusula umuńa-lukolo vakwe, ujo ve ave ali mukîsi neke igendela mukîsi, asikukagwe na kwe alungamye, pakuva ikîsi kimu bofwidze amîho gakwe.
12Ndikuvandikila juńe, ńe fyaly’ańe, pakuva indzanangifu dzeńo dzivodzehidzwe mwitavwa lyakwe.
13Ndikuvandikila juńe, ńe vadadavo, pakuva mumukagwe, je ali pwali na pavutalilo. Ndikuvandikila juŭe, ńe vavinano, pakuva mumulefidze umuvîfu. Ndivandikye juńe, ńe fyaly’ańe, pakuva mumukagwe udadeńo.
14Ndivandikye juńe, ńe vadadavo, pakuva mumukagwe, je ali pwali na pavutaliîo, Ndivandikye juńe, ńe vavinanw’ańe, pakuva mwi vakângafu, pakuva na li lidzwi lya Nguluvi likwikala apeńo, pakuva mumutelwidze na ju muvîfu. Ef. 6, 10.
15Mutane ukujenda ińi nambi ifya mu-ńi. Ngana jumwi ajendile ińi, ujo uvwênde vwa kwa dadye si movuli umwakwe, Jak. 4, 4.
16pakuva fyonda, ifigenda mu-ńi muno, nuvudobofu vwa ńama ja mu! vili nuvudobofu vwa mîho nuvwihadzi vwa fya kuponela, ifyo fisihumile kwa dadye, hamu ifyo fihumile ku-ńi.
17Neke ińi jilajaga na vu vudobofu vwajo, neke umuńa-kulima lwe akelye Nguluvi ujo je muńa-kwikala, mbêpali.
18Ńe fyaly’ańe, lino je sala ja kuvudugiío, neke ndevye mupulike ukuta ikwadza u-Andikilisiti neke ndeve na li lino vaselwike avolofu avandikilisiti, mwe mwene mwe twikagulila, ukuta je sala ja vudugilo lino. Mat. 24, 5. 24.
19Vahumile umwesu neke vasali vajesu. Vali vavedzage vajesu, apo ngali vikalile pa pesu, lino vakelehidze-mo, pakuva vasili vajesu vonda. Apos. 20, 30.
20Neke uńeńe muli nuvubake uvuhuma kwa mwîmike; neke mwivo nda mukagwe. v. 27.
21Sindivandikye, pakuva musidzikagwe idza ndakyene, hâ nda, ndivandikye, pakuva mudzikagwe neke mukagwe nukuta uvudesi vonda vusihuma kudza ndakyene.
22Je nani umudesi, ngâ si mudesi, je ikana je iti gila: u-Jesu si je Kilisiti? Je Andikilisiti ujo, je akumukana na ju dadye na ju muswamuve.
23Neke vonda, avakumukana umuswamuve, avo na ju dadye vasili nave. Neke je akumwidika umuswamuve, ujo ve ali nave na ju dadye. 4, 15; Joh. 5, 23.
24Uńeńe ke mwapulike pavutalilo, kikalage umweńo. Neke ngana kikwikala umweńo, ke mwapulike pavutalilo, apo ve swêla najuńe mukwikala mwa muswamuve na mwa dadye. v. 7.
25Neke uluhuvidzo, lwe atuhuvidze unefwe, lwe ulu: uvûmi uvusihagikwa.
26Idzi ndivandikye dza vańa-kuvakofya.
27Neke uńeńe uvubake, vwe mwanukye kwa mwene, vukwikala umweńo neke uńeńe lusivahwanile ulwa kuvulanidzwa kwe jungi, hamu ndeve vukuvavulanidza padzonda uvubake vuvo – neke uvwene vwa koluli neke si vudesi hamu – neke ndevye vuvavuianidze uńeńe, apo mwikalage umwakwe. v. 20; Joh. 16, 13
28Neke lino, ńe fyaly’ańe, mwikalage umwakwe, pakuta alava isikuka, apo twali tuvedzage nikyedzamutima, pakutigila twali tutane ukutovwa isoni, idzikutuvēvēdusa ukwakwe, alava adzile umwene. v 4, 17.
29Neke lino ngana mumukagwe ukuva je mugolofu, apo mulukagulage nulukuta: vonda avilima idza vugolofu vaholilwe kwa mwene. v 3, 7. 10.
Currently Selected:
1 Johana 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
