1 Johana 4
4
1Ne vênd’ańe, mutane ukugifuvwa gyonda imibepo, hamu mugigelandzage imibepo nde gihumile kwa Nguluvi, pakuva vahumye ku-ńi avavidzi avadesi avolofu. 1. Tes. 5, 21.
2U-Mubepo va Nguluvi mumukagulilage mu ulu: umubepo gwe guvedzaga, ugukumwidika Jesu Kilisiti, je elukye muńama ja muvili, ugo guhumile kwa Nguluvi.
3Neke umubepo gwe guvedzaga, ugusikumwidika Jesu, ugo gusihumile kwa Nguluvi, ugo gwe gwa Andikilisiti, je mwapulike ukuta ikwadza neke na lino adzile, ali mu-ńi muno. 2, 18.
4Neke uńeńe, ńe fyaly’ańe, muhumile kwa Nguluvi neke muvatelwidze vala, pakuva je ali umweńo, alutye uvukomi kwa je ali mu-ńi.
5Avene vahumile ku-ńi, kye valesile valongage idzihumile mu-ńi, kye jilesile nińi jivapulikage vavo. Joh. 15, 19.
6Neke unefwe tuhumile kwa Nguluvi neke je amudzelye Nguluvi, ujo ikutupulika juíwe; je asihumile kwa Nguluvi, ujo je asikutupulika unefwe. Mwe mwene mwe tukugukagulila umubepo gwa koluli numubepo gwa lukōfyo. Joh. 8, 47.
7Ńe vend’ańe, tuvedzage kińa-vwijende, pakuva uvwênde vuhumile kwa Nguluvi, neke ju j’avedzaga, je ikwenda, ujo aholilwe kwa Nguluvi, je amukagwe na ju Nguluvi.
8Neke je asikwenda, ujo asimukagwe. u-Nguluvi, pakuva u-Nguluvi je vwênde.
9Neke uvwene uvwênde vwa Nguluvi umwesu vusikukye mu mwe amutumile umuswamuve umuńa-kimwinga ku-ńi kuno, pakuta atuhulilage ukuva tuli vûmi. Joh. 3, 16.
10Mwe mwene mwe vwimye uvwênde, mutane ukuta pakuva tumwendile unefwe Nguluvi, hamu atwendile unefwe ju mwene neke amutumage umuswamuve umuńa-kudzilekēlula indzanangifu dzesu. 2, 2.
11Ńe vênd’ańe, ngana atwendaga vo unefwe u-Nguluvi, apo najufwe lutuhwaniíe pakuvedza kińa-vwijende. Mat. 18, 33.
12Nguluvi asina avonwa ponu kwe jungi mumîho ngana tuli kińa-vwijende, apo na ju Nguluvi ikwikala umwesu, apo na vu vwênde vwakwe vwiva vupedzidze umwesu muno. Joh. 1, 18.
13Neke mwe tukulukagulila-mo, ukuta tukwikala umwakwe neke nave akwikala umwesu, ngana atupelye ifya pa-Mubepo vakwe. 3, 24.
14Neke unefwe tulavile neke twikolela twitigila: udadye amutumile umuswamuve, atigye je mupasi va ńi. Joh. 3, 17.
15Je ikwidika ukuta u-Jesu je mwâna va Nguluvi, apo ujo u-Nguluvi ikwikala umwakwe, nave akwikala mwa ju Nguluvi. 5, 5.
16Neke unefwe tuvufikile neke nukuvufuvwa uvwênde, vwe atwendile Nguluvi. Nguluvi vwênde neke je akwikala muvwênde, ujo ikwikala mwa Nguluvi neke na ju Nguluvi akwikala umwakwe. v. 8.
17Mwe mwene mwe vwipedzehidze uvwênde umwesu, pakuta twali tuvedze nikyedzamutima pakigono kya luhigilo, pakuva najufwe mu-ńi muno tuli ndeve ali umwene mu-ńi muno. 2, 28.
18Uvogofi simovuli muvwênde, hamu uvwênde, uvupedzidze, vukuvutaga kwivala uvogofi, pakuva uvogofi vuhula-lupumuko. Je ikogopa, apo ujo asina apedzehedzwa muvwênde.
19Unefwe twikwenda, pakuva atalile ju mwene pakutwenda.
20Ngana umunu itigila unene ndikumwenda u-Nguluvi, kuno akumusula umuńa-lukolo, ujo je mudesi; ndivwene ngâ asikumwenda umuńa-lukolo, je amuvwene, apo ilemwa ukumwenda u-Nguluvi, je asimuvwene.
21Neke tuli nalyo ilikūle lyakwe lilyo ilitigila: je akumwenda Nguluvi, apo je akumwenda na ju muńa-lukolo vakwe. Mal. 12, 29-31.
Currently Selected:
1 Johana 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
