Popular Bible Verses from 1 Johana 3

Share

Ńe fyaly’ańe, tutane ukwendanila li lidzwi lyene nululimi lwene, hamu twendanile ulwa vugifi nulwa koluli.

Mwe mwene mwe tuvukagulye uvwênde vwakwe, mwe atutagye unefwe uvûmi vwakwe jula. Neke najufwe lutuhwanile pakuvatagila avańalukolo uvûmi vwesu.

Mulolage uvwênde pavukomi, vwe atupelye udadisu, vwe atigye tutambulwage uvwâna kwa Nguluvi; neke twivelye twi vâna. Kye jilesile jitane ukutukagula ińi unefwe, pakuva jisimukagwe umwene.

Neke je ikwangula uvuhosi, ujo va kwa muhēsi, pakuva umwene umuhēsi ahumile pavutalilo pakuhoka. Lwe lwene lwe asikukye umuswa muve va Nguluvi, pakuta aganangage amalimo ga muhēsi.

Ju j’avedzaga, je aholilwe kwa Nguluvi, ujo asikwangula uvuhosi, pakuva imbeju jakwe jikwikala umwakwe neke ilemwa nukwangula, paku va aholilwe kwa Nguluvi.

Neke ngana jumwi i nafyo ifya kuponela ifya kwen’eńi neke amuvonage umuńa-lukolo vakwe agulwime neke adindage inumbula jakwe jibihile kwa jula, apo uvwênde vwa Nguluvi vukwikala kwi mwa uju?

Neke umuńa-kugagendela amakūle gakwe, ujo je ikwikala mwa mwene na ju mwene nave ikwikala mu mwakwe. Neke mwe mwene mwe tukulukagulila - mo, ukuta ikwikala umwesu, mu mwa Mubepo, je atupelye ju mwene.

Mwe mwene mwe visikukila navâna va Nguluvi navâna va muhēsi. Ju j’avedzaga, je asilima uvugolofu, ujo asihumile kwa Nguluvi, na je asikumwenda umuńa-lukolo vakwe.

Pakuva dze ngotolwa, dze mupulike ukuhuma pavutalilo idzitigila: muvedzage kińa-vwijende.

Mutane ukudzuma, ńe vańa-lukoîw’ańe, ngana jikuvasūla ińi.