भज़न 13
13
मोक्ष मांगणा लै अरज़
गाज़ै-बाज़ै आल़ेए सैणैं लै राज़ै दाबेदो भज़न
1हे बिधाता, ताह केभै तैणीं डाहणअ हुंह बिस्सरी? सदा लै?
ताह केभै तैणीं डाहणीं मुंह बाखा पिठ फरेऊई?
2केभै तैणीं रहूं हुंह खरी काटदअ लागी?
केभै तैणीं रहणअ मुंह धैल़-राच दुख पल़ी?
केभै तैणीं रहणैं मेरै दुशमण मुंह च़िक्कदै लागी?
3हे मेरै परमेशर बिधाता, मुंह बाखा फिर, मेरी गल्लो ज़बाब दै हैनूं,
मेरी आछी का लोल़ी भिई शुझदअ लागअ, मुंह निं सदा लै निंजा सुत्ती मरनै दैई।
4नांईं ता मेरै दुशमणा बोल़णअ इहअ,
“हाम्हैं ज़ितै तेऊ का!” तिन्नां निं मेरी बरैबादीए खुशी दैई मनाऊंणै।
5मुंह आसा भरोस्सअ कि तूह झ़ूरा मुल्है,
मुंह हणअ खुश किल्हैकि तंऐं हेरअ हुंह बच़ाऊई।
6हे बिधाता, मुंह बोल़णीं तेरी गिहा,
किल्हैकि तूह आसा मुल्है खास्सअ भलअ।
Currently Selected:
भज़न 13: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
