Ivyahishuriwe Yohana 11

Ivy’ abantu babiri bāshingiye Imana intahe

1 # Ezk 40:3; Zek 2:1, 2; 2 Kor 6:16. Bampa irenga rimeze nk’inkoni, bati Va hasi ugere urusengero rw’Imana n’igicaniro n’abarusengeramwo. 2#Yes 63:18; Luk 21:24; Zab 79:1; Dan 8:10; Ivyah 12:6, 14; 13:5.Intangaro y’urusengero uyireke, ntuyigere, kuko yahawe abanyamahanga: kandi n’igisagara cera bazogisiribanga amezi mirongwine n’abiri. 3Kand’ abanshingira intahe babiri nzobavugisha, bazovugishwa imisi igihumbi n’amajana abiri na mirongwitandatu bambaye amagunira.

4 # Zek 4:3, 11-14. Abo ni bo biti vy’imyelayo bibiri n’ibiterekwakw amatara bibiri, bihagaze imbere ya Nyen’ isi. 5#2 Abam 1:10; 2 Sam 22:9; Yer 5:14.Kand’ iy’ umuntu agomvye kubagirira nabi umuriro ubava mu kanwa, ugaturira abansi babo: kand’ umuntu ni yagomba kubagirira nabi uko ni kw akwiye kwicwa. 6#1 Abam 17:1; 1 Sam 4:8; Kuv 7:17, 19, 20.Abo bafise ubushobozi bgo gukinga ijuru, ngw imvura ntikoroke mu misi yo kuvugishwa kwabo: kandi bafise ubushobozi ku mazi kuyahindura amaraso no kubabarisha isi icago cose, uko bagomvye. 7#Dan 7:3, 7, 21; Ivyah 13:1, 7; 17:8.Kandi ni baheza gushinga intahe, igikōko kizodūga kivuye i kuzimu, kizobarwanya, kibaneshe, kibice. 8#Yes 1:10; Luk 13:34.Imivyimba yabo izogangarara mw ibarabara ryo mu gisagara kinini, ni co mu buryo bg’impwemu citwa Sodomu na Egiputa, kandi ni ho Umwami wabo yabambge. 9Kand’ abo mu moko n’imiryango n’indimi n’amahanga bazorāba imivyimba yabo imisi itatu n’igihimba, ntibazokunda kw iyo mivyimba ihambga. 10#Zab 105:38.Abari mw isi bazonezerwa, bazobītamba ku muvyimba, barungikiranire amashimwe, kukw abo bavugishwa n’Imana bātoneka abari mw isi. 11#Ezk 37:5, 10; Ita 15:12.Iyo misi itatu n’igihimba ishize impwemu z’ubugingo zivuye ku Mana zibinjiramwo, baravyuka, barahagarara: ubgoba bginshi butera ababarāba. 12#2 Abam 2:11.Bumva ijwi rirenga rivuye mw ijuru ribabarira, riti Ni mudūge muze ino. Badūga mu gicu baja mw ijuru abansi babo barorēra. 13#Ezk 38:19, 20; Dan 2:19.Uwo mwanya isi iratigita, ikigiracumi ca ca gisagara kirasenyuka, ukwo gutigita kwica abantu ibihumbi ndwi, abarokotse baterwa n’ubgoba, bahimbaza Imana Nyen’ ijuru.

14 # Ivyah 9:12; 12:12. Ibara rya kabiri riraheze: eh’ irya gatatu rigira rize.

Ivy’ inzamba igira indwi

15 # Dan 2:44; 7:14, 27; Zek 14:9; Kuv 15:18; Ob 1:21; Zab 2:2; 10:16; 22:28. Umumarayika w’indwi avuza inzamba: mw ijuru hakurikira amajwi arenga, at’ Ubgami bg’isi buhindutse ubg’ Umwami wacu n’ubga Kristo wiwe, kand’ azohora ahangamye ibihe bitazoshira. 16#Ivyah 4:4, 10; 7:11.Ba bakuru mirongwibiri na bane, bicara ku ntebe zabo imbere y’Imana, bikubita hasi bubamye, basenga Imana, 17#Kuv 3:14; Yes 41:4; Ivyah 4:8; 18:8.bati Turagushimye, Mwami Mana ushobora vyose, uriho kandi wamyeho, kuko wābiriye ububasha bgawe buhambaye, ukima. 18#Ivyah 15:1; Rom 2:5; Zab 2:1, 5, 12; 46:6; 99:1; 115:13; Am 3:7; Zek 1:6; Dan 9:6, 10.Kand’ amahanga araraka, uburake bgawe buraza, igihe co guciramw’ amateka abapfuye kirashika, n’ico kugereramw’ abasavyi bawe, ni bo bavugishwa nawe, no kugerera abera n’abubaha izina ryawe, aboroshe n’abahambaye, n’ico guhonerezamw’ abahonnya isi.

19 # 1 Abam 8:1, 6; 2 Ngo 5:7; Kuv 9:24; 19:16; Ivyah 15:5; 4:5. Urusengero rw’Imana rwo mw ijuru rurugururwa, mu rusengero rwayo habonekamw’ isandugu y’isezerano ryayo, hakurikira imiravyo n’amajwi n’imituragaro no gutigita kw’isi n’urubura ruhambaye.

Currently Selected:

Ivyahishuriwe Yohana 11: RUN1967

Highlight

Copy

Compare