Ab’i Filipi 1

Indamukanyo

1 # 1 Kor 1:2; 1 Tim 3:1, 8. Paulo na Timoteyo, abagurano ba Kristo Yesu, turabandikiye abera bose bo muri Kristo Yesu b’i Filipi, hamwe n’abazezwashengero n’abakozi baryo. 2#Rom 1:7.Ubuntu bube muri mwebge n’amahoro, biva ku Mana Data wa twese no ku Mwami Yesu Kristo.

Paulo ashima Imana

3 # Rom 1:8; 1 Kor 1:4. Nshima Imana yanje, uko mbibutse kwose, 4kand’ uko nsenze kwose mbasengera mwese nnezerewe, 5kuko mwafatanije nanje gukwiza ubutumwa bgiza, muhereye ku musi wa mbere, mugashitsa n’ubu. 6#Flp 2:13; 1 Kor 1:6-8.Kand’ ico nizigiye ntakekeranya, n’uk’ uwatanguye igikorwa ciza muri mwebge azogiheraheza gushitsa ku musi wa Yesu Kristo. 7Nanje birambereye kubiyumvirako ntyo mwese, kuko mbafise mu mutima, kuko mu ngoyi zanje, no mu gukiranira ubutumwa bgiza no kubucimbataza, mwese musangiye nanje ubuntu bg’Imana. 8#Rom 1:9; 2 Kor 1:23; 1 Tes 2:5.Imana ni yo ntanzekw icabona c’ingene mbagirira igishika mwese, mfise imbabazi za Kristo Yesu.

Paulo asengera ab’i Filipi

9Kand’ ico nsengera, n’ukugira ng’urukundo rwanyu rugwire rwongerekane mu bgenge no mu kumenya kwose, 10#Rom 2:18; 12:2; 1 Tes 5:23; Heb 5:14.murobanure ibidahwana, muhore mutagira ubupfunya cank’ ibigwisha gushitsa ku musi wa Kristo, 11#Ef 5:9; 1:6, 12, 14; Yoh 15:8.mwuzuye imbuto zo kugororoka ziheshwa na Yesu Kristo, ngo muheshe Imana icubahiro n’ishimwe.

Kubohwa kwa Paulo kwashize imbere ubutumwa

12 # 2 Tim 2:9. Bene Data, ndagomba ko mumenya yukw ivyambāyeko cane‐cane vyashize imbere ubutumwa bgiza: 13#Flp 4:22; Ef 3:1.bituma ingoyi zanje zo kubga Kristo zimenyekana mu basoda bahora bashibama kwa Kayisari bose, no mu bandi bose. 14Kand’ abenshi bo muri bene Data bari mu Mwami wacu, bāremeshejwe n’ingoyi zanje, barushiriza gutinyuka kuvuga ijambo ry’Imana bashize amanga.

15Mugabo bamwe ishari n’amahane ni vyo bibatera kuvuga ivya Kristo; abandi babivugishwa n’ugushira icīra. 16Abo babivugishwa n’urukundo, kuko bazi ko nashiriweho gukīranira ubutumwa bgiza: 17ba bandi ikēba ni ryo ribatera kuvuga ivya Kristo atar’ uko bivuye ku mutima, biyumvira kw ar’ ukwongera kuntoneka mu ngoyi zanje. 18#Flp 2:17, 18.Har’ ico biriko? Kizima mu buryo bgose, ari mu buryarya ari mu kuri, Kristo avugwa, kand’ ivyo ndabinezererewe, kandi nzokwama mbinezererwa; 19#Yob 13:16; 2 Kor 1:11.kuko nzi yukw ivyo bizomviramw’ agakiza, munsengeye kandi ndonkejwe Mpwemu wa Yesu Kristo; 20#1 Pet 4:16.nk’uko niteze cane nkizigira yuko hatazogira ikintu kimmāramāza, ariko ko mu bushizi bg’amanga bganje bgose Kristo aheshwe icubahiro n’umubiri wanje, nk’uko bihora biba, na none kw ari ko bizoba, naho noba ndiho canke naho noba mpfuye.

Kubaho canke gupfa Paulo avyita kimwe

21 # Gal 2:20. Kuko kubganje kubaho ari Kristo, kandi gupfa ar’ inyungu. 22#Rom 1:13.Ariko namb’ ari kubaho mu mubiri, ico kizonyamira imbuto z’igikorwa, kandi sinzi ico mpitamwo. 23#1 Abam 19:4; 2 Kor 5:8.Ndazazaniwe mur’ ivyo bibiri, kuko nifuza gutaha ngo mbane na Kristo, kukw ari co kirushirije cane: 24yamara kuguma mu mubiri ni co corushiriza kubagirira ikimazi. 25Kandi ko nizigiye ivyo, ndazi neza yuko nzogumaho, nkabana namwe mwese, kugira ngo muje imbere, munezererwe ukwizera; 26ngo muze murushirize kunyirata muri Kristo Yesu nsubiye kugaruka i wanyu.

Paulo aremesha ab’i Filipi

27 # Kol 1:10; Flp 4:3; 1 Tes 2:12. Ariko kimwe gusa, ingeso zanyu zimere nk’uko bibereye ubutumwa bgiza bga Kristo, kugira ngo nje kubagendera canke ntaje, numve ivyanyu ko muhagaze mushikamye mufise impwemu imwe, muhuje umutima mu kurwanira ukwizera ubutumwa bgiza, 28ko mudakangwa n’abarwanizi ku kintu na kimwe; ico kizobera abo ikimenyetso co guhona, ariko mwebge ic’ agakiza, kandi kivuye ku Mana. 29Kukw ico mwagabiwe kubga Kristo, atar’ ukumwizera gusa, ariko mwagabiwe no kubabazwa kubgiwe; 30#Ivyak 16:22.muri muri ya ntambara mwambonanye kand’ iyo munyumvana n’ubu.

Currently Selected:

Ab’i Filipi 1: RUN1967

Highlight

Copy

Compare