Yesaya 33

Amagorwa ya Yerusalemu no kuzokizwa kwaho

1 # Yes 21:2; Hab 2:8. Uzobona ibara, wewe unyaga kand’ utānyazwe, uryarukana kandi batākuryarutse! Ni waheza kunyaga, nawe uzonyagwa; kandi ni wamara kuryarukana, bazokuryaruka nawe.

2Ewe Uhoraho, utugirire imbabazi; ni wewe twiteze; utubere amaboko uko bukeye, mber’ utubere agakiza mu gihe c’amagorwa. 3Amoko ahungishijwe n’ijwi ryo guhūrīra; kubgo guhaguruka kwawe amahanga arasābagiye.

4Bazovumbura iminyago mwanyaze nk’ukw inzige zivumbura, bazoyigwako nk’uk’ ubuyige bg’intōteza bugwa. 5#Zab 97:9.Uhoraho ashizwe hejuru nk’uko yibera iyo hejuru: yuzuza i Siyoni ibiroranye n’ubugororotsi. 6#Imig 1:7; Yes 39:8.Mu bihe vyawe hazobah’ umutēkāno, n’ agakiza k’umurengera, n’ubgenge no kumenya: kwubaha Uhoraho ni bgo butunzi bgawe.

7 # 2 Abam 18:37. Ehe, abahizi babo baraborogera hanze; intumwa zo gusaba impore ziriko zirarira cane. 8#Abac 5:6; 2 Abam 18:14-17.Inzira z’iroro zirasivye, nta wuhita akiboneka; yishe isezerano, akēngēra ibisagara, kandi ntagira udusoni ku bantu. 9Igihugu kiriganyira, kirahondobereye: Lebanoni haratēterewe, harakabiranye; Sharoni hameze nk’ ubugaragwa; Bashani na Karumeli hakoraguye amababi. 10#Zab 12:5.Uhoraho aravuga, ati Hinge mvyaguruke non’ ubu, non’ ubu ngira mpaguruke, non’ ubu ngira nishire hejuru. 11Muzosama inda y’umuguruka, muvyare ishingwe; impwemu zanyu ni wo muriro uzobatongora. 12Amahanga azoturirwa nk’uko baturira ishwagara; azomera nk’igiteme c’amahwa, kigaturirirwa mu muriro.

13Yemwe abari kure, ni mwumve ivyo nkoze, namwe abari hafi, ni mwemere ubushobozi bganje. 14#Yes 66:15; Heb 12:29.Abanyavyaha b’i Siyoni baratinye; agatengo gafashe giturumbuka abatubaha Imana. Muri twebge ni nde yoshobora kubana n’umuriro utongora, kandi muri twebge ni nde yoshobora kubana n’ikibengebenge kidahengeshanya? 15#Zab 24:4; 119:27.Ūgendera mu bugororotsi akavuga ibitunganye, akagaya inyungu ziva mu gahahazo, agahungisha amaboko ngo ntiyābīre ingurire, akīziba amatwi ngo ntiyumve inama yo kuvisha amaraso, agahumiriza amaso ngo ntarābe ibibi: 16#Yes 30:23, 25.uwo ni we azoba ahataramutse hejuru, ahantu hiwe ho kwikinga hazoba igihome c’ amabuye; azohabga ivyo kurya bimutunga, kandi n’amazi ntazoyabura. 17#Yes 6:5.Amaso yawe azokwitegereza umwami afise ubgiza bgiwe: azorāba igihugu kigera kure. 18#2 Abam 18:14.Umutima wawe uzokwibuka ivyatera ubgoba; ukībaza, ut’ Uwaca ibitigiri vy’ ingorore ari hehe? Uwazākīra akarāba ko zishitse ari hehe? Uwaharūra iminara ari hehe? 19#Gus 28:49, 50; Yes 28:11; Yer 5:15.Ntuzoba ukibona ihanga ry’ inkazi, ihanga ry’imvugo igoye udashobora kwumva, riri n’ururimi rw’urunyamahanga udashobora gutahura. 20Ni witegereze i Siyoni, umurwa twagiriramw’ imisi mikuru yacu: amaso yawe azobona i Yerusalemu hasigaye hatsimbataye har’ amahoro, ar’ ihema ritazokūrwaho, imambo zaryo ata ho zizoshingūrwa, ata n’ umugozi waryo uzocika. 21#Zab 46:4, 5.Arik’ Uhoraho azohabana natwe afise icubahiro, azotubera inzūzi zagutse n’imigezi, ah’ ata bgato buzosozwa, ata n’imasuba ihambaye izohaca. 22#1 Sam 12:12; Zek 9:9; Yak 4:12.Kuk’ Uhoraho ari we mucamanza wacu; Uhoraho ni we adushingira ivyagezwe; Uhoraho ni we Mwami wacu: azodukiza.

23Imigozi yawe iradohotse, ntigishobora gukamvya epfo y’ umuringoti, ntigishobora kubamba igihuzu kigendesha ubgato: ico gihe bazogabangana isahu ry’ibitayega, mbere n’abacumbagira bazosahura isahu. 24#Yes 1:5, 6; Yer 50:20.Kand’ uwaho ntazovuga, ati Ndarwaye: abantu bahaba bazoba bahariwe ukugabitanya kwabo.

Currently Selected:

Yesaya 33: RUN1967

Highlight

Compare

Copy