Popular Bible Verses from Yesaya 33

Share

Mu bihe vyawe hazobah’ umutēkāno, n’ agakiza k’umurengera, n’ubgenge no kumenya: kwubaha Uhoraho ni bgo butunzi bgawe.

Ewe Uhoraho, utugirire imbabazi; ni wewe twiteze; utubere amaboko uko bukeye, mber’ utubere agakiza mu gihe c’amagorwa.

Kuk’ Uhoraho ari we mucamanza wacu; Uhoraho ni we adushingira ivyagezwe; Uhoraho ni we Mwami wacu: azodukiza.

Ūgendera mu bugororotsi akavuga ibitunganye, akagaya inyungu ziva mu gahahazo, agahungisha amaboko ngo ntiyābīre ingurire, akīziba amatwi ngo ntiyumve inama yo kuvisha amaraso, agahumiriza amaso ngo ntarābe ibibi: uwo ni we azoba ahataramutse hejuru, ahantu hiwe ho kwikinga hazoba igihome c’ amabuye; azohabga ivyo kurya bimutunga, kandi n’amazi ntazoyabura.