Abanyefeso 1

Indamukanyo

1 # Rom 1:7; Kol 1:1; 1 Kor 1:2. Paulo, nagizwe intumwa ya Kristo Yesu n’ukw Imana yabigomvye, ndabandikiye abera bari muri Efeso, b’abizigirwa bo muri Kristo Yesu. 2#Kol 1:2.Ubuntu bube muri mwebge n’amahoro, biva ku Mana Data wa twese no ku Mwami Yesu Kristo.

Paulo ahimbaza Imana

3 # Ef 2:6. Imana y’Umwami wacu Yesu Kristo, ari yo Se, iragahezagirwa, yaduhezagiriye imihezagiro yose y’impwemu ahantu ho mw ijuru muri Kristo: 4#Yoh 15:16; 17:24; Ef 5:27; Rom 8:29.nk’uko yadutoranirije muri we, itanguriro ry’isi ritarashirwaho, kugira ngo tube abera tutagira agasembga imbere yayo, turi mu rukundo. 5#Yoh 1:12.Kuko yagabiye kera ko duheshwa na Yesu Kristo gucika abana bayo kubgayo, nk’uko yabigomvye bikayihimbara: 6#Mat 3:17; Kol 1:13.kugira ng’ubgiza bg’ubuntu bgayo bushimwe, ubgo yatugabiriye mu wo ikunda. 7#Kol 1:14, 20; Ef 2:7; 3:8, 16.Muri we ni ho duhērwa gucungurwa n’amaraso yiwe, ni kwo guharirwa ibicumuro vyacu, nk’ukw itunga ry’ubuntu bgayo riri, 8#Kol 1:9.ubgo yadusēsekarije mu bgenge bgose no kumenya: 9#Ef 3:9; Rom 16:25.itwātiye ibanga ry’ivy’ igomba, nk’uko vyayihimbaye, ibigabiye kera muri we, 10#Gal 4:4; Kol 1:16.vy’ingene izogenza vyose, igihe gikwiye gishitse, gukoraniriza vyose muri Kristo, ibiri mw ijuru n’ibiri mw isi.

11 # Kol 1:12; Rom 8:28. Kuba mur’ uwo kwaduhesheje gucika ishamvu yayo, twashiriweho kera nk’ukw Iyo yabigabiye, ikora vyose nk’ukw imigabo yo mu mutima wayo iri, 12kuzoba abo guhesha icubahiro ubgiza bgayo, twebge abizigiye Kristo kera. 13#Ef 4:30; Kol 1:5, 6.Muri we namwe mumaze kwumva ijambo ry’ukuri, ni ryo butumwa bgiza bg’agakiza kanyu, mumaze no kumwizera, ni ho mwashiriwekw ikimenyetso, ni co Mpwemu Yera yasezeranywe, 14#2 Kor 1:22; 5:5.ni we ngwati y’umwandu tuzohabga, kugira ngw abo Imana yaronse ibacungure, ng’ubgiza bgayo bushimwe.

Asengera Abanyefeso ngw Imana ibahe kuyimenya

15 # Kol 1:4, 9. Ni co gituma nanje, numvise ukwizera Umwami Yesu kuri muri mwebge, n’urukundo mukunda abera bose, 16#Kol 1:3.ntahengeshanya kubashimira Imana, mbahoza mu kanwa uko nsenze, 17#Kol 1:10.ngw Imana y’Umwami wacu Yesu Kristo, Data wa twese w’ubgiza, ibahe umutima w’ubgenge no guhishurirwa mu kuyimenya; 18#Gus 33:3, 4; Kol 1:5, 11, 12, 27.ngw amaso y’imitima yanyu yihweze, kugira ngo mumenye ivyo mwizigizwa n’uguhamagara kwayo ivy’ ari vyo, mumenye n’itunga ry’ubgiza bg’ishamvu ifise mu bera, 19#2 Kor 13:4; Kol 1:11; 2:12.mumenye n’ubginshi buhebuje bg’ubushobozi bgayo ikoreshereza muri twebge abizera, nk’uko kwa gukora kw’ububasha bg’ubushobozi bgayo kungana, 20#Zab 110:1.ukwo yakoreye muri Kristo, hamwe yamuzura mu bapfuye, ikamuvyagiza i buryo bgayo ahantu ho mw ijuru, 21#Kol 1:16; 2:10.imushize hejuru cane y’ubukuru bgose n’ububasha bgose n’ubushobozi bgose n’ubgami bgose n’izina ryose rivugwa, si mur’ iki gihe gusa, ariko no mu kizoza. 22#Zab 8:6; Mat 28:18; Ef 4:15; Kol 1:18.Kandi yamushikirije vyose, ibishira musi y’ibirenge vyiwe, kand’ imuha ishengero ngw abe umutwe waryo wo gusumba vyose, 23#Rom 12:5; Kol 1:19; 1 Kor 12:27; Ef 4:10.ni ryo mubiri wiwe, unengesereye ūnengesera vyose hose.

Currently Selected:

Abanyefeso 1: RUN1967

Highlight

Copy

Compare