Isabulin 91
91
Akuju lokedaran wok
1Itwan kere ni iboe kokwap ka akidario ka Akuju kalo Eliliara Noi,
itwan kere ni iboe kotorube ka Akuju kaloka Agogong' kere,
2ebeikini alimokin Lokapolon, “Irait ijo nama akeri eong' ka nama ang'opia eong';
Akuju kang' lo amunokiit eong'.”
3Ebuni nesi akidara ijo kakang'asia kere kanu eng'opito,
bobo kadekasinoi kere kanukaarak.
4Ebuni nesi akirapa ijo kabenokoka keng';
idumuni ijo akidario kokwap kabenokoka keng'.
Amuno keng' erait ebuku.
5Mam ijo kibuni akurianu akang'as naka akware,
kere de ekojo lo eporotoi paran,
6kere de akurianu adekasinoi nu ebunete kakirionus,
kere de amudiaro na elomuni paran.
7Ebeikinete itung'a aritat akibirokin wai kon, aritai atomon teten kon,
konye mam ican kapikinete ijo.
8Ibuni ijo akitere usa kakonyen kon,
ka aanyun ekipone lo isicanere itung'a luka arokusio.
9Kanu itarauna ijo Akuju nama ing'opitere ijo,
kanu itarauna ijo Akuju lo Eliliara Noi alaro na iboya ijo,
10emam icani idumuni ijo,
emam icani apikinete ere kon.
11Naarai ebuni Akuju akicorakin imalaikan keng'
kidarata ijo korotin kon kere.
12Ebunete kesi adakite ijo kakanin kes,
tetere emam akeju kon kigukin kamoru.
13Ibuni ijo akipuda ing'atunyo ka imunuo,
ibuni ijo akipiricanar idwe king'atunyo nepepe ka imunuo.
14Ebala Akuju, “Abuni eong' ayuun ng'ulu lu eminasi eong',
abuni eong' akidara nesi naarai amunoki nesi eong'.
15Na iworoo nesi eong', abuni eong' akiirar nesi;
ajaikinosi eong' ka nesi ocani.
Ayuuni eong' nesi ka akiyong'o nesi.
16Abuni eong' akidut nesi kang'aleu kanakaujan; ka ayuun nesi.”
Currently Selected:
Isabulin 91: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
