Isabulin 92
92
Ekiruke loka akitamaa Akuju
Ekiruke. Ekiruke kanuka Esabato.
1Ikoni ejokuna ai akiyalaminikin ijo, Okwai Lokapolon,
ekiruke kanuka ayong'ite ijo, Okwai Akuju lo Eliliara Noi,
2kanuka alimonor taparacu kuju ka amina kon kana emam esial, ka amuno kon kware,
3kekiruke kalo irukoi eramio iboro lu itenite kaunoi, nepepe ka auleru.
4Asoma kon nukapolok, Okwai Lokapolon, kainakiito eong' alakara;
kanu isoma ijo, eruko eong' ka alakara.
5Ikote asoma kon ejooka ai Lokapolon!
Ikote awomowomosia kon eraito nuka akitim ai!
6Mam itwan ni ebang'ana kebeikiit akijen;
itwan ni bang'ai mam kebeikiit akijen:
7ebe Eebeikito luka arokusio apolo bala inya,
luka arokusio ebeikiito akitolosite kojokan;
konye esial kes erait amudiaro ikaru kere.
8Konye ijo, Okwai Lokapolon,
ipolo ijo noi ikaru kere.
9Ijenete siong' ebe ebunete ipading'atin kon atwakare,
bobo ilanyo luka arokusio kere.
10Isicata ijo eong' bala emong' loko moding';
isulwanyiki ijo eong' kalakara.
11Aanyu eong' kakonyen kang' ipading'atin kang' ilanyio.
Bobo eirasi akii kang' akimonyo naka luka arokusio.
12Ebunete itung'a lu edolito akitoloto kojokan bala imusogon;
ebunete kesi apolou bala isidai luko Lebanon.
13Eraito kesi bala ikito lu iraite toma Otogo ka Lokapolon,
lo epoloe kojokan kotoma Otogo ka Akuju wok,
14lo itolosit akigwakin araito kamojong'
bobo kojaasi ng'in pak elibito kicasitete.
15Itodikiito nu ebe edolit Lokapolon,
ebe emam aronus kamaka lokedaran kang'.
Currently Selected:
Isabulin 92: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
