Popular Bible Verses from Isabulin 91

Share

ebeikini alimokin Lokapolon, “Irait ijo nama akeri eong' ka nama ang'opia eong'; Akuju kang' lo amunokiit eong'.”

Itwan kere ni iboe kokwap ka akidario ka Akuju kalo Eliliara Noi, itwan kere ni iboe kotorube ka Akuju kaloka Agogong' kere

Na iworoo nesi eong', abuni eong' akiirar nesi; ajaikinosi eong' ka nesi ocani. Ayuuni eong' nesi ka akiyong'o nesi.

Naarai ebuni Akuju akicorakin imalaikan keng' kidarata ijo korotin kon kere.

Ebuni nesi akirapa ijo kabenokoka keng'; idumuni ijo akidario kokwap kabenokoka keng'. Amuno keng' erait ebuku.

Kanu itarauna ijo Akuju nama ing'opitere ijo, kanu itarauna ijo Akuju lo Eliliara Noi alaro na iboya ijo, emam icani idumuni ijo, emam icani apikinete ere kon.

Ebuni nesi akidara ijo kakang'asia kere kanu eng'opito, bobo kadekasinoi kere kanukaarak.

Ebeikinete itung'a aritat akibirokin wai kon, aritai atomon teten kon, konye mam ican kapikinete ijo.

Mam ijo kibuni akurianu akang'as naka akware, kere de ekojo lo eporotoi paran, kere de akurianu adekasinoi nu ebunete kakirionus, kere de amudiaro na elomuni paran.