Isabulin 139
139
Akijene kere nepepe ka akidario ka Akuju
Nama kalo epolokiit ekiruke. Ekiruke ka Daudi.
1Lokapolon, imoo ijo eong',
bobo ijeni ijo eong'.
2Ijeni ijo ng'in ibore ni esomae eong';
alomun kama elwana ijeni ijo awomowomosia kang' kere.
3Itee ijo eong', esomae eong' kere de eyeng'ut eong';
ijeni ijo nu esomae eong' kere.
4Ering'a eong' kalimuna,
idau ijo ajenun nu alimuni eong'.
5Imanakiit ijo eong' kang'olo wai;
idari ijo eong' ka agogong' kon.
6Ekipone lo ijenia ijo eong' epolo noi;
edeparit akijen kang'.
7Wali abeikini eong' alosite ang'opikin ijo?
Wali abeikini eong' alosite nama imam ijo kijii?
8Kaloto eong' kuju, ijei ijo ng'ina;
kapero eong' kamaka lukatwak, ijei ijo ng'ina.
9Kaporo eong' adepar kide
bobo kere de keboit eong' kosial ka too,
10ijei ijo ng'ina iyait eong',
ijei ijo ng'ina ilokokina aking'arakin eong'.
11Tia eong' elipi korapaki akirionus eong'
kere de kibelokin acaus na imanakiit eong' ka araun akwaare,
12konye akirionus de mam kiriono kama kon,
bobo akwaare de ecae bala apaaran.
Akirionus ka acaus eputosi kama kon.
13Ibu ijo kojeu ng'olo wai loka akwana kang';
ibu ijo kojeu eong' kotoma akooki ka toto kang'.
14Keturi eong' ijo naarai itemokina ayong'ite ijo;
ng'in ibore ni isomae ijo erait nika aumosit kojokuna.
Ajeni eong' ketau kang' kere.
15Na asubere akojo kang',
etukonokino nenipe kojokan kotoma akook ka toto kang',
na apoloo eong' kang'ina kama emam itwan itee,
ijeni ijo ebe kajei eong' ng'ina —
16ibu ijo kwaanyu eong' ering'a kidouna.
Apaarasia nukimarakiite eong'
kepon kigiri kere toma okitabo kon,
ering'a ipede kama kes kegeuna.
17Okwai Akuju epoloko awomowomosia kon noi;
mam cut kimarunosi.
18Kere kemarit eong' tia ipuaka noi adepar asing'e.
Anyouni eong', aring'a eong' ajaasi ka ijo.
19Okwai Akuju, kere akiituni kang' tin ijo akiyara lukarokok!
Tin eong' atiakuni kinyekis itung'a lukadedeng'ak eong' kedeun bon!
20Inerasi kesi iboro lukarokok kuju kon;
inerasi kesi iboro luka aronus lu ereito ekiror kon.
21Okwai Lokapolon, kakadakiit eong' itung'a lu mam keminasi ijo!
Anwang'it eong' noi ng'ulu lu itepegete ijo!
22Kakadakiit eong' kesi ketau kang' kere;
emari eong' kesi bala ipading'atin kang'.
23Komoo eong', Okwai Akuju, kojenu awomowomosia kang';
kotama eong', bobo kojenu nu eitunene eong'.
24Kwaanyu cut kejii aronus apede toma kang'
bobo koyaite eong' ko oroto kaloka akijar kanaka ikaru kere.
Currently Selected:
Isabulin 139: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
