Isabulin 138
138
Akilip naka akiyalama
1Eyalamikiit eong' ijo Lokapolon ketau kang' kere;
eturi eong' ijo koking'aren ka akujun.
2Etee eong' Etogo kon,
ka akilur kwap, ka akiturite ekiror kon
kanuka amina kon na emam esial nepepe ka amuno,
kanu itodiara ijo ebe ekiror kon ka acorasia kon epoloko.
3Ibu ijo kinyakaki eong' na eworitere eong' ijo;
ibu ijo kisicata eong' kagogong' kon.
4Ebunete ijakaa kere ka akwap akiturite ijo, Lokapolon,
naarai eirasi kesi asumuneta kon.
5Ebunete kesi ekiruke kuju kanu isoma ijo
nepepe ka akibusesu kon nakapolon.
6Atikere kijii ijo kuju cut,
ipodo ijo kuju ka ng'ulu kalu ejaasi kwap,
bobo luka epogi mam kebeikinete ang'opikin ijo.
7Na erimokinata eong' icani, idari ijo eong' kojokan.
Itepegi ijo ipading'atin kang' lu ekadakiito
ka ayuuni eong' kagogong' kon.
8Ibuni ijo asoma ng'in ibore ni isumuniki ijo;
Lokapolon, amina kon na emam esial.
Kirikaki asoma nu igeu ijo.
Currently Selected:
Isabulin 138: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
