Isabulin 140
140
Akilip kanuka akidario
1Koyuu eong', Lokapolon kamaka lukarokusio;
kidara eong' kamaka itung'a kaluka dedeng'ak.
2Ng'in pak etemetemete kesi okusio,
eng'olopasi ng'ini pak.
3Ang'ajepa kes eputosi ka imunuo luka asorit;
akiro kes eputosi ka asorit naka emun.
4Kidara eong', Lokapolon, alomun kamaka agogong' kaluka arokusio;
kidara eong' kojokan kamaka itung'a kalukadedeng'ak lu itemetemete adauno kang'.
5Aterasi luka epogi eloket kikam eong'; egwaakisi kesi aloketa kes
bobo egwaakisi kesi elokete kanuka akikamun eong'.
6Alimonokini eong' Lokapolon, “Irait ijo Akuju kang'.”
Kiira akimonyo kang' naka akote aking'arasit, Lokapolon!
7Akuju kang' Lokapolon, lokegang'an kang' lo icasit, idara ijo eong' kojie.
8Lokapolon, mam ainakin lukarokok nu ekotosi kesi;
mam akinyekin akitemetemesio kes kisomakinosi.
9Mam ajalakin ipading'atin kang' kilanyata;
kinyek kobong'oki kesi ikulopek akitukuriano na etukurianete kesi eong'.
10Kinyek kodacakinosi kesi atotol ka akimi;
kinyek kodacakinosi kesi toma adwi komam cut kelomunete king'a.
11Mam ng'ulu lu iwosaete luce ka aliokonu itoloto kojokan;
elipit eong' kodumutu itung'a lukadedeng'ak ka arokusio bobo komudiare kesi.
12Lokapolon, ajeni eong' ebe igang'i ijo ejautene ka lukapalapalak
kanu itemokina lukapalapalak adumun.
13Ebunete lu edolito akiturite ijo noi;
ebunete kesi akiboi kama ijii ijo.
Currently Selected:
Isabulin 140: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
