Popular Bible Verses from Isabulin 139

Share

Keturi eong' ijo naarai itemokina ayong'ite ijo; ng'in ibore ni isomae ijo erait nika aumosit kojokuna. Ajeni eong' ketau kang' kere.

Komoo eong', Okwai Akuju, kojenu awomowomosia kang'; kotama eong', bobo kojenu nu eitunene eong'. Kwaanyu cut kejii aronus apede toma kang' bobo koyaite eong' ko oroto kaloka akijar kanaka ikaru kere.

Ibu ijo kojeu ng'olo wai loka akwana kang'; ibu ijo kojeu eong' kotoma akooki ka toto kang'.

ibu ijo kwaanyu eong' ering'a kidouna. Apaarasia nukimarakiite eong' kepon kigiri kere toma okitabo kon, ering'a ipede kama kes kegeuna.

Lokapolon, imoo ijo eong', bobo ijeni ijo eong'.

Wali abeikini eong' alosite ang'opikin ijo? Wali abeikini eong' alosite nama imam ijo kijii?

Ijeni ijo ng'in ibore ni esomae eong'; alomun kama elwana ijeni ijo awomowomosia kang' kere.

Ering'a eong' kalimuna, idau ijo ajenun nu alimuni eong'.

Itee ijo eong', esomae eong' kere de eyeng'ut eong'; ijeni ijo nu esomae eong' kere.