KŨGUŨRĨRIO 6
6
1NA nĩndonire ũcio Gatũrũme aamethũra gatembe kamwe ga tũrĩa mũgwanja twa mũhũra, na ngĩigua ciũmbe icio inya ii muoyo kĩmwe kĩaaria na mũgambo watariĩ ta ngwa, kĩoiga, Ũka. 2#Zek 1.8; 6.3,6.Ngĩrora, ngĩona atĩrĩ, kwĩ mbarathi njerũ, nake ũrĩa ũmĩhaicĩte e na ũta; nake akĩheo thũmbĩ, akiumĩra agĩũka agĩtoranagia, na atuĩke o wa gũtoranagia.
3Na aamethũra gatembe ga kerĩ, ngĩigua kĩũmbe kĩrĩa kĩĩ muoyo gĩa kerĩ kĩoiga, Ũka. 4#Zek 1.8; 6.2.Gũkiumĩra mbarathi ĩngĩ, mbarathi ndune mũno; nake ũrĩa ũmĩhaicĩte agĩĩtĩkĩrio anine thayũ thĩ, gũitĩke kũũraganwo; nake akĩheo rũhiũ rũa njora rũnene.
5 #
Zek 6.2,6. Ningĩ aamethũra gatembe ga gatatũ, ngĩigua kĩũmbe kĩrĩa kĩĩ muoyo gĩa gatatũ kĩoiga, Ũka. Ngĩkĩrora ngĩona atĩrĩ, kwĩ mbarathi njirũ, nake ũrĩa ũmĩhaicĩte nĩagwete ratiri. 6Ngĩigua ta mũgambo ũkuuma na gatagatĩ-inĩ ga ciũmbe icio inya ii muoyo, ũkoiga atĩrĩ, Kĩbaba kĩa ngano kiumage ciringi, na ibaba ithatũ cia ngano ya cairi nacio ciumage o ciringi;#6.6 Ciringi: rora karatathi ka 1,418. na rĩrĩ, maguta na ndibei-rĩ, ndũgaciĩhie.
7Ningĩ aamethũra gatembe ga kana, ngĩigua mũgambo wa kĩũmbe kĩrĩa kĩĩ muoyo kĩrĩa gĩa kana, woiga, Ũka. 8#Ezek 14.21.Ningĩ ngĩrora, ngĩona atĩrĩ, kwĩ mbarathi theũku, nake ũrĩa ũhaicĩte ĩo, rĩĩtwa rĩake nĩ Gĩkuũ; na nĩoimĩtwo thutha nĩ Kwa-ngoma. Nao makĩheo wathani gĩcunjĩ kĩa inya gĩa thĩ, moraganage na rũhiũ, o na ng’aragu, na mũthiro, o na nyamũ iria ndĩani cia gũkũ thĩ.
9Ningĩ aamethũra gatembe ga gatano, gĩtina-inĩ gĩa kĩgongona ngĩona maroho ma andũ arĩa maanoragwo nĩ ũndũ wa Ũhoro wa Ngai, na nĩ ũndũ wa ũira ũrĩa maagwatĩirie; 10nao magĩkaya na mũgambo mũnene, makĩũria, Ĩ, Mwathani Mũnene, wee mũtheru na wa ma, nĩ nginya-rĩ, ũgũtĩra gũcirithania ũrĩhĩrie thakame iitũ kwĩ arĩa matũire kũrĩa thĩ? 11Nao makĩheo o mũndũ nguo njerũ ndaya, makĩĩrũo no mahurũkage ihinda rĩngĩ inyinyi, nginya ndungata iria ingĩ cia thiritũ yao, nĩcio ariũ a Ithe wao, arĩa makoragwo o ta ũrĩa o moragirũo, makahinga.
12 #
Kũg 11.13; 16.18;
Isa 13.10; Joel 2.10,31; 3.15; Mat 24.29; Mar 13.24,25; Luk 21.25. Ningĩ ngĩona aamethũra gatembe ga gatandatũ, na gũkĩgĩa gĩthingithia gĩa thĩ kĩnene; narĩo riũa rĩkĩira ta ikũnia rĩa guoya mũirũ, naguo mweri ũkĩhaana ta thakame, wĩ wothe; 13#Isa 34.4.nacio njata cia igũrũ ikĩgũa thĩ, o ta ũrĩa mũkũyũ ũitaga ngũyũ iria thatu wainainio nĩ rũhuho rũnene. 14#Kũg 16.20.Igũrũ narĩo rĩgĩthengio o ta ibuku rĩa gĩkũnjo rĩgĩkũnjwo, nacio irĩma ciothe o na ithama ciothe ikĩeherio kũndũ gwacio. 15#Isa 2.19,21.Nao athamaki a thĩ, o na anene, na aathani arĩa anene a thigari, na itonga, na andũ arĩa me hinya, o na mũndũ o wothe ngombo na mũndũ o wothe mwĩathi, makĩĩhitha thĩinĩ wa ngurunga o na mahiga-inĩ marĩa me irĩma-inĩ; 16#Hos 10.8; Luk 23.30.makeraga irĩma o na mahiga atĩrĩ, Tũgũĩrei, mũtũthiĩkĩrĩrie ũthiũ wa ũcio ũikarĩire gĩtĩ gĩa ũthamaki, na mũtũhithĩrĩre marakara ma Gatũrũme; 17#Joel 2.11; Mal 3.2.amu mũthenya nĩ mũkinyu ũrĩa mũnene wa marakara mao, nake ũrĩa ũngĩhota kwĩũmĩrĩria, nũ?
Currently Selected:
KŨGUŨRĨRIO 6: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
