KŨGUŨRĨRIO 5
5
1 #
Ezek 2.9,10; Isa 29.11. NINGĨ guoko-inĩ kwa ũrĩo gwa ũcio waikarĩire gĩtĩ kĩu gĩa ũthamaki ngĩona mbuku yaandĩkĩtwo mwena wa thĩinĩ o na igũrũ, na ĩkahingwo nĩ gũcinĩrĩrũo tũtembe mũgwanja twa mũhũra. 2Ngĩcoka ngĩona mũraika wĩ hinya akĩanĩrĩra na mũgambo mũnene akoria atĩrĩ, Nũ mwagĩrĩru ahingũre mbuku ĩo, amethũre tũtembe tũu twayo? 3Na gũkĩaga mũndũ Igũrũ, o na kana thĩ, kana o ruungu rũa thĩ, ũngĩhota kũhingũra mbuku ĩo, o na kana amĩbare. 4Na niĩ ngĩrĩra mũno, nĩ ũndũ gũtirĩ mũndũ wakorirũo e mwagĩrĩru ahingũre mbuku ĩo, o na kana amĩbare. 5#Kĩam 49.9; Isa 11.1,10.Nao athuri arĩa, ũmwe akĩnjĩra, Tiga kũrĩra; atĩrĩrĩ, Mũrũthi ũrĩa wa mũhĩrĩga wa Juda, Thuuna ĩrĩa ya Daudi-rĩ, we nĩatoranĩtie, agakĩhota kũhingũra mbuku ĩo amethũre tũtembe tũu mũgwanja twayo.
6 #
Isa 53.7;
Zek 4.10. Na harĩa gatagatĩ ga gĩtĩ gĩa ũthamaki, na ga ciũmbe iria inya ii muoyo, na ga athuri acio, ngĩona Gatũrũme karũngiĩ, kahaana ta kaanathĩnjwo, na ke na hĩa mũgwanja, na maitho mũgwanja, na nĩmo Maroho marĩa mũgwanja ma Ngai, marĩa matũmĩtwo mathiangage thĩ yothe. 7Nake ũcio Gatũrũme agĩthiĩ, akĩoya mbuku ĩo akĩmĩruta guoko-inĩ kwa ũrĩo gwa ũcio waikarĩire gĩtĩ gĩa ũthamaki. 8#Thab 141.2.Na aarĩkia kũiyũkia mbuku, ciũmbe icio inya ii muoyo na athuri acio mĩrongo ĩĩrĩ na ana makĩĩgũithia thĩ harĩ ũcio Gatũrũme, o mũndũ e na kĩnanda kĩa mũgeto, na me na tũbakũri twa thahabu tũiyũire ũbumba,#5.8 Ũbumba: rora kohoro kaandĩkĩtwo Mat 2.11. na nĩguo mahoya ma andũ arĩa aamũre. 9#Thab 33.3; 98.1; Isa 42.10.Na hĩndĩ ĩo makĩina rũĩmbo rũerũ, makiuga atĩrĩ, Wee-rĩ, nĩwe mwagĩrĩru wa kũiyũkia mbuku, ũmethũre tũtembe tũu twayo, amu nĩwathĩnjirũo, ũkĩgũrĩra Ngai andũ na thakame yaku a mĩhĩrĩga yothe na mĩario yothe na nduka ciothe na ndũrĩrĩ ciothe, 10#Thama 19.6; Kũg 1.6.ũkĩmatua kĩrĩndĩ gĩa gũthamakagĩrũo nĩ Ngai witũ na ũkĩmatua amũthĩnjagĩri; nao nĩo a gũthamakaga thĩ. 11#Dan 7.10.Ngĩcoka ngĩrora, ngĩigua mũgambo wa araika aingĩ mathiũrũrũkĩirie gĩtĩ kĩrĩa gĩa ũthamaki na ciũmbe icio ii muoyo o na athuri, na ũrĩa maaiganaga nĩ ngiri ikũmi maita ngiri ikũmi, na ngiri cia ngiri; 12makoigaga atĩrĩ na mũgambo mũnene, Gatũrũme karĩa gaathĩnjirũo nĩwe mwagĩrĩru wa kũgwata ũhoti, o na ũtonga, na ũũgĩ, na hinya, na gĩtĩo, na riri o na kĩrathimo. 13Na kĩndũ kĩũmbe o gĩothe, kĩrĩa kĩĩ Igũrũ, na kĩrĩa kĩrĩ thĩ, na kĩrĩa kĩrĩ ruungu rũa thĩ, na kĩrĩa kĩrĩ iria rĩrĩa inene igũrũ, o na indo ciothe iria irĩ kuo, ngĩigua ikiuga atĩrĩ, Ũcio ũikarĩire gĩtĩ gĩa ũthamaki, o nake Gatũrũme, marotũũra na kĩrathimo, o na gĩtĩo, na riri, o na wathani, nginya tene o na tene. 14Nacio ciũmbe icio inya ii muoyo ikiuga, Amen. Nao athuri makĩĩgũithia thĩ magĩthathaiya.
Currently Selected:
KŨGUŨRĨRIO 5: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
