KŨGUŨRĨRIO 7
7
1 #
Jer 49.36; Dan 7.2; Zek 6.5. THUTHA ũcio nĩndonire araika ana marũngiĩ ituri-inĩ iria inya cia thĩ, magirĩrĩirie huho iria inya cia gũkũ thĩ, nĩguo gũtigoke rũhuho thĩ, kana iria-inĩ rĩrĩa inene, kana mũtĩ-inĩ o na ũrĩkũ. 2Ngĩcoka ngĩona mũraika ũngĩ aambatĩra irathĩro-inĩ rĩa riũa, e na kĩrĩmi kĩa Ngai ũrĩa wĩ muoyo, kĩrĩa gĩa gwĩkanĩra rũũri; nake akĩanĩrĩra araika acio ana na mũgambo mũnene, acio maaheetwo hinya mehie thĩ na iria, 3#Ezek 9.4,6.akiuga atĩrĩ, Mũtikehie thĩ, kana iria, kana mĩtĩ, kinya tũkorũo tũrĩkĩtie gwĩkĩra ndungata cia Ngai witũ rũũri mathiithi mao. 4Na nĩndaiguire mũigana wa acio mekĩrirũo rũũri, na nĩ ngiri igana rĩa ngiri mĩrongo ĩna na inya, arĩa mekĩrirũo rũũri a mĩhĩrĩga yothe ya ciana cia Isiraeli.
5A mũhĩrĩga wa Juda arĩa mekĩrirũo rũũri nĩ ngiri ikũmi na igĩrĩ;
Na a mũhĩrĩga wa Reubeni ngiri ikũmi na igĩrĩ;
Na a mũhĩrĩga wa Gadi ngiri ikũmi na igĩrĩ;
6Na a mũhĩrĩga wa Asheri ngiri ikũmi na igĩrĩ;
Na a mũhĩrĩga wa Nafitali ngiri ikũmi na igĩrĩ;
Na a mũhĩrĩga wa Manase ngiri ikũmi na igĩrĩ;
7Na a mũhĩrĩga wa Simeoni ngiri ikũmi na igĩrĩ;
Na a mũhĩrĩga wa Lawii ngiri ikũmi na igĩrĩ;
Na a mũhĩrĩga wa Isakaru ngiri ikũmi na igĩrĩ;
8Na a mũhĩrĩga wa Zebuluni ngiri ikũmi na igĩrĩ;
Na a mũhĩrĩga wa Jusufu ngiri ikũmi na igĩrĩ;
Na a mũhĩrĩga wa Benjamini arĩa mekĩrirũo rũũri no ngiri ikũmi na igĩrĩ.
9Thutha wa maũndũ macio ngĩrora, ngĩona atĩrĩ, gwĩ kĩrĩndĩ kĩingĩ mũno, gĩtangĩgereka nĩ mũndũ, kĩa andũ moimĩte ndũrĩrĩ-inĩ ciothe, na marĩ a mĩhĩrĩga yothe na nduka ciothe o na mĩario yothe, marũgamĩte mbere-inĩ ya gĩtĩ kĩrĩa gĩa ũthamaki na mbere ya Gatũrũme, mehumbĩte nguo njerũ ndaya, na me na makĩndũ moko; 10na nĩ kwanĩrĩra maanagĩrĩra na mũgambo mũnene, makoiga atĩrĩ, Kũhonokania nĩ kwa Ngai witũ ũrĩa ũikarĩire gĩtĩ gĩa ũthamaki, na gwa Gatũrũme. 11Nao araika othe nĩmaarũngiĩ mathiũrũrũkĩirie gĩtĩ kĩu gĩa ũthamaki, na magathiũrũrũkĩria athuri arĩa o na ciũmbe iria inya ii muoyo; nao makĩĩgũithia thĩ na mothiũ mao kũu mbere-inĩ ya gĩtĩ kĩu gĩa ũthamaki, magĩthathaiya Ngai, 12makiuga, Amen! Kĩrathimo, na riri, na ũũgĩ, o na ngatho, o na gĩtĩo, o na ũhoti, o na hinya, irotũũra na Ngai witũ nginya tene o na tene. Amen.
13Nao athuri, ũmwe agĩcokia ũhoro, akĩnjũria atĩrĩ, Acio mehumbĩte nguo icio njerũ nĩ a? na moimĩte kũ? 14#Dan 12.1; Mat 24.21; Mar 13.19.Na niĩ ngĩmwĩra, Mũthuri ũyũ, nĩwe ũũĩ. Nake akĩnjĩra atĩrĩ, Acio nĩo arĩa moimĩte mĩnyamaro-inĩ ĩrĩa mĩnene, na nĩmaathambirie nguo ciao, magĩgĩcierũhia na thakame ya Gatũrũme. 15Nĩkĩo rĩu maikaraga mbere-inĩ ya gĩtĩ gĩa ũthamaki kĩa Ngai; na nĩ kũmũtungatĩra mamũtungatagĩra mũthenya na ũtukũ thĩinĩ wa hekarũ yake; nake ũcio ũikarĩire gĩtĩ gĩa ũthamaki egũtũũra aarĩte hema yake igũrũ rĩao. 16#Isa 49.10.Nao matirĩ hingo magacoka kũhũta, kana macoke kũnyota; o narĩo riũa rĩtirĩ hingo rĩkamacina, kana ũrugarĩ mũnene o na ũrĩkũ; 17#Thab 23.1; Ezek 34.23; Thab 23.2; Isa 49.10; Isa 25.8.nĩ gũkorũo Gatũrũme karĩa ge gĩtĩ-inĩ gĩa ũthamaki gatagatĩ egũtũũra arĩ o mũrĩithi wao, amatongoragie amakinyagie ithima-inĩ cia maĩ marĩa ma muoyo; nake Ngai nĩekũmagiria maithori mothe mathire maitho mao.
Currently Selected:
KŨGUŨRĨRIO 7: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
