Popular Bible Verses from KŨGUŨRĨRIO 6

Share

Ningĩ ngĩrora, ngĩona atĩrĩ, kwĩ mbarathi theũku, nake ũrĩa ũhaicĩte ĩo, rĩĩtwa rĩake nĩ Gĩkuũ; na nĩoimĩtwo thutha nĩ Kwa-ngoma. Nao makĩheo wathani gĩcunjĩ kĩa inya gĩa thĩ, moraganage na rũhiũ, o na ng’aragu, na mũthiro, o na nyamũ iria ndĩani cia gũkũ thĩ.

Ngĩrora, ngĩona atĩrĩ, kwĩ mbarathi njerũ, nake ũrĩa ũmĩhaicĩte e na ũta; nake akĩheo thũmbĩ, akiumĩra agĩũka agĩtoranagia, na atuĩke o wa gũtoranagia.

Ningĩ aamethũra gatembe ga gatano, gĩtina-inĩ gĩa kĩgongona ngĩona maroho ma andũ arĩa maanoragwo nĩ ũndũ wa Ũhoro wa Ngai, na nĩ ũndũ wa ũira ũrĩa maagwatĩirie

nao magĩkaya na mũgambo mũnene, makĩũria, Ĩ, Mwathani Mũnene, wee mũtheru na wa ma, nĩ nginya-rĩ, ũgũtĩra gũcirithania ũrĩhĩrie thakame iitũ kwĩ arĩa matũire kũrĩa thĩ? Nao makĩheo o mũndũ nguo njerũ ndaya, makĩĩrũo no mahurũkage ihinda rĩngĩ inyinyi, nginya ndungata iria ingĩ cia thiritũ yao, nĩcio ariũ a Ithe wao, arĩa makoragwo o ta ũrĩa o moragirũo, makahinga.

Gũkiumĩra mbarathi ĩngĩ, mbarathi ndune mũno; nake ũrĩa ũmĩhaicĩte agĩĩtĩkĩrio anine thayũ thĩ, gũitĩke kũũraganwo; nake akĩheo rũhiũ rũa njora rũnene.

amu mũthenya nĩ mũkinyu ũrĩa mũnene wa marakara mao, nake ũrĩa ũngĩhota kwĩũmĩrĩria, nũ?

Ningĩ ngĩona aamethũra gatembe ga gatandatũ, na gũkĩgĩa gĩthingithia gĩa thĩ kĩnene; narĩo riũa rĩkĩira ta ikũnia rĩa guoya mũirũ, naguo mweri ũkĩhaana ta thakame, wĩ wothe; nacio njata cia igũrũ ikĩgũa thĩ, o ta ũrĩa mũkũyũ ũitaga ngũyũ iria thatu wainainio nĩ rũhuho rũnene.

Ningĩ aamethũra gatembe ga gatatũ, ngĩigua kĩũmbe kĩrĩa kĩĩ muoyo gĩa gatatũ kĩoiga, Ũka. Ngĩkĩrora ngĩona atĩrĩ, kwĩ mbarathi njirũ, nake ũrĩa ũmĩhaicĩte nĩagwete ratiri. Ngĩigua ta mũgambo ũkuuma na gatagatĩ-inĩ ga ciũmbe icio inya ii muoyo, ũkoiga atĩrĩ, Kĩbaba kĩa ngano kiumage ciringi, na ibaba ithatũ cia ngano ya cairi nacio ciumage o ciringi; na rĩrĩ, maguta na ndibei-rĩ, ndũgaciĩhie.

Igũrũ narĩo rĩgĩthengio o ta ibuku rĩa gĩkũnjo rĩgĩkũnjwo, nacio irĩma ciothe o na ithama ciothe ikĩeherio kũndũ gwacio. Nao athamaki a thĩ, o na anene, na aathani arĩa anene a thigari, na itonga, na andũ arĩa me hinya, o na mũndũ o wothe ngombo na mũndũ o wothe mwĩathi, makĩĩhitha thĩinĩ wa ngurunga o na mahiga-inĩ marĩa me irĩma-inĩ