YAHAKIALU 1
1
NA NGALANGU-NA KAWUNGA HARII MATA I YAHAKIALU RUKUNA I ALA
1:1–7:27
Na kanjàka pareta-na i Ala
1-3La tànggalu lima wulangu patu la ndaungu patailu kambulu wàna,#ndaungu patailu kambulu wàna: nda na-lohangu-a jàka nggàra ndaungu-ya na palana. la ndaungu palima wàna welingu ba dundilu-ya i Hanganji Yuyakingu la tanawangu, nyungga Ratu Yahakialu anana i Mbuhi ningga la hingi Luku Kembàru la Mbambilu anguma dàngu da tau tanawangu Yahundi hawiangu. Hi jia tawangga biana na awangu hi ku-ngalangu harii mata rukuna i Ala. Kurongu ba napanii dàngga i MIRI dàngu kupàda-nya na kawaha-na.
4Ku-tangara hi kuita-ya na làpuru ba na-hapuputu weli diangu. He - herina na kabàla welingu la hau kalibuku karumangu ma-kanjupu bokulu, dàngu hi na-pawiti-nya pa-hambila halawàla na awangu la winggiru-na. La kabilaku mare - rerina nuna paita-ya na ma-handaraku ba hama parunggu-ya. 5La padua làpuru nunambu, kuita-ha patuda da patau awangu nu da patau awangu#patau awangu: jiaha da kalibaru papalewa ba hama dika maningu ruu kàpangu-ha ba wàda dàngu da ma-paninu maünya na mangunju-na i Ala dàngu ba ninya la banjaru-na. da mahama jiangu tauha, 6tàka na nyuna nimbihu-da patuda da matada dàngu dua mawangu-da da ruu kàpada. 7Da wihida da-kunduhu dàngu da-kalilangu hama tuna parunggu pauda-ha. Da wua wihida dapawuu hapi mbàtingu. 8Hinggilu-na ba patu matada dàngu ba dua mawangu ruu kàpada, nyuda ningu lima tauda la lumbu nimbihu ruu kàpada. 9Da hamawangu ruu kàpa la nimbihu-da nuda da dika da-tawàlahu tàka da hupu - hupuda da-maràngga pa-jonggaru dàngu ruu kàpa dika hawiangu, hi lupa da-pa-okangu kapatu larangu nuda da dika da mapatu-da. Jàka da-nggàduku, handàka nggàduku-mada ba dàngu pa-tarihungu-da la hangga ba dàngu nda pa-mbelingu-da.
10Nimbihu-da nuda da dika patuda da matada manda pahama; mata tauya la hangga, mata hingaya la kawana, mata hapi mbàtingu-ya la kalai dàngu mata mbaku tehiku-ya la kajia. 11Na hamawangu ruu kàpa la nimbihu-da nuda da dika pa-wàlahu hu ditaha hi da-jonggaru-ha da hupu ruu kàpada da dika la lihida, tàka na hili hamawangu ruu kàpada#Da pa-haleli ndai da manda pirada: hamawangu ruu kàpada; Imbarani: da matada, da ruu kàpada. da pa-làpitungu pa-pandàda-nja da ihida. 12Nimbihu-da nuda da dika handàka patuma ngia pa-hanggangu-da hi peku lakuda la nggini bia pambuha-da dàngu nda pa-mbelingu-da.
13La padua#Da pa-haleli ndai da manda pirada: La padua; Imbarani: dàngu na ma-paeru.-da nuda da dika ninya na mahama epi jilungu maroka-iya ba itaya na manda pànjangu pa-nggàduku. Nuna na epi nakare - reriku dàngu na-kapurukungu kabilaku kabàla. 14Nuda da dika da-palongga maingu hama kabilaku-ha renggada.
15Ba talànga hamata-ngguha nuda mbuu ndàbada ku-itaha patuda da ndutungu la tana, hau ndutungu la lihi nimbihu-da nuda da dika.#Da pa-haleli ndai da manda pirada: nuda da dika; Imbarani: da matada. 16Nuda da patu ndutungu hama-mada dàngu da kalilangu hama watu mata tawuru-ha, dàngu nimbihu-da ni - ninguma hili hau ndutungu ma-pandàbarungu la padua-na. 17Ba tuna nu pekuda nuda da ndutungu pa-hanggangu la patu ngia pa-hanggangu. 18Da kulurungu-da nuda da ndutungu mbinu wua mata-mada.#Imbarani: na ndalaru 18 nda na-lohangu-a. 19-21Nuda da dika dalaku la nggini bia na pambuha-da, tàka nuda da ndutungu da-kikungu mànuma, ba da-kawaha-duha paraï da nuda da dika. Handàka nggoda - handàka nggodada nuda da dika, jàka ndia ba dadita hu dita jàka ndia ba da-pànjangu, nuda da ndutungu dakiku mànu-manja nyuda.
22La dita katiku-da nuda da dika ningu mahama kiri wurungu ma-hanggurungu welingu la kaha ma-kalilangu. 23La wawana nuna na ma-hanggurungu nimbihu-da nuda da dika da-wàlahu ruu kàpada hanggangu la dika tubana, tàka na hili hamawangu ruu kàpada da pandàda-nja da ihida. 24Jàka da-hawurungu, kurongu-ha da kambàraku ruu kàpada, hama tuna kawoku wai la harangi-ha linguda, hama kandukuku pangga pamba bokulu, hama tuna talia liina i Ala Hupu Mambiha. Jàka da-pànjangu pa-hawurungu da-làpitu-ha da ruu kàpada, 25tàka welingu la pinu ma-hanggurungu la dita katiku-da, parongu-yapa na talia lii.
26La pinuna nuna na ma-hanggurungu ninya na mahama kanjàka pareta ma-welingu la watu nilamu, tàka la pinuna na-mandapu na mahama tau-iya ba itaya. 27Ba itaya la pinuna na-handaraku hama parunggu la padua roka epiya. Tàka la wawana na-handaraku-na kanjupu hambila-ya, 28dàngu na-pabeti - pa-betingu hama kapuri-ya. Nuna jiaya na hambila kalilangu ma-paloha-nya ba ninya i MIRI.
I Ala na-paaunya pa-wunangu i Yahakialu
Ba kuita-ya nuna kunjoru panggubu la tana. Hi kurongu talia lii
Currently Selected:
YAHAKIALU 1: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
